„ნაკადური“ არის კომპანია, რომლის საქმიანობაც ხის კოტეჯების, სახლების მშენებლობას გულისხმობს. კომპანია ბაზარზე ორ წელზე მეტია ოპერირებს. მეტი ინფორმაციისთვის, Business Insider Georgia „ნაკადურის“ თანადამფუძნებელს ედიკა ელბაქიძეს ესაუბრა.

„ჩვენი საქმიანობა ხის კოტეჯების და სახლების მშენებლობას მოიცავს. ამ მიმართულებით უკვე ორ წელზე მეტია ვმუშაობთ. ჩვენი გუნდის წევრები მანამდე ხანგრძლივი დროის განმავლობაში სხვადასხვა კომპანიებში საქმიანობდნენ, ხოლო ბოლო წლებში შევიკრიბეთ და ერთიანი გუნდის სახით ჩამოვყალიბდით. ამჟამად კი აქტიურად ვმუშაობთ სამშენებლო სექტორში “, - ამბობს კომპანიის თანადამფუძნებელი.

კომპანიის სერვისებისადმი მოთხოვნა და ინტერესი საკმაოდ მზარდია.

„მოთხოვნა საწყის პერიოდთან შედარებით მნიშვნელოვნად გაზრდილია. მართალია, დასაწყისშიც არ გვიგრძნია ინტერესის ნაკლებობა, თუმცა ამ ეტაპზე ზრდა აშკარად შესამჩნევია. მოთხოვნა თვიდან თვემდე იცვლება და ეს აისახება, როგორც შემოსულ ზარებში, ისე შეტყობინებებში და ვებგვერდის ვიზიტორების რაოდენობაში “,- აცხადებს ედიკა ელბაქიძე.

კომპანიას სხვადასხვა კონკურენტული უპირატესობა გააჩნია. ყველაზე მთავარი კი გუნდის დამოკიდებულება და მაღალი პასუხისმგებლობის გრძნობაა საქმისადმი.

„ნაკადურის“ კონკურენტული უპირატესობა პირველ რიგში გუნდის საქმისადმი დამოკიდებულებაა. ჩვენი მთავარი მიზანია, თითოეული სამუშაო შესრულდეს ხარისხიანად და მაქსიმალური სიზუსტით, ზუსტად ისე, როგორც წინასწარ იყო შეთანხმებული დამკვეთთან.

ჩვენთვის პრიორიტეტულია, ყველა დაპირება და შეთანხმება სრულად იქნეს დაცული, რათა არ წარმოიშვას გაუთვალისწინებელი გარემოებები, რამაც შეიძლება დააზიანოს დამკვეთის ინტერესები ან გამოიწვიოს მათი უკმაყოფილება.
კომპანიის მთავარი ფასეულობა კმაყოფილი მომხმარებელია. ვცდილობთ, მომსახურება იმდენად მაღალი ხარისხის იყოს, რომ თითოეულმა მომხმარებელმა თამამად გაგვიწიოს რეკომენდაცია “, - განმარტავს კომპანიის თანადამფუძნებელი.

კომპანიის ძირითადი სამომავლო გეგმა სერვისების გამრავალფეროვნება და გაფართოებაა.

„ჩვენი სამომავლო გეგმები ძირითადად გაფართოებას ეხება. გვსურს, კიდევ უფრო გავზარდოთ ჩვენი შესაძლებლობები, პროექტების რაოდენობა და სერვისების სხვადასხვა მიმართულება დავამატოთ ჩვენს არსებულ მომსახურებებს.
ერთ-ერთი მნიშვნელოვანი მიმართულება, რომლითაც მომხმარებლები ხშირად ინტერესდებიან არის შიდა განვადების შეთავაზება. იმედი გვაქვს, რომ უახლოეს მომავალში ამის შესაძლებლობაც გვექნება და შევძლებთ მომხმარებლებისთვის უფრო მოქნილი ფინანსური პირობების შექმნას “, - აღნიშნავს ედიკა ელბაქიძე.

დამატებითი ინფორმაციისთვის დაინტერესებულ პირებს შეუძლიათ კომპანიის საიტს ესტუმრონ : https://nakaduri.ge/