„აწარმოე საქართველოში“ აჭარაში მცირე და საშუალო ბიზნესისთვის საინფორმაციო შეხვედრას გამართავს
სააგენტო „აწარმოე საქართველოში“ აჭარის რეგიონული საკონსულტაციო ცენტრი მცირე და საშუალო ბიზნესის წარმომადგენლებს სთავაზობს ერთდღიან სამუშაო შეხვედრას ბიზნეს მოდელირებასა და სტრატეგიულ დაგეგმვაში.
როგორც სააგენტოში განმარტავენ, სწავლებას ჩაატარებენ მსოფლიოში ერთ-ერთი წამყვანი აუდიტორული და ბიზნეს საკონსულტაციო კომპანიის BDO-ს აკადემიის ტრენერები და ის 26 აგვსტოს ბათუმში გაიმართება.
„დამსწრეთა რაოდენობა შეზღუდულია და მონაწილეები შეირჩევიან ვებ-გვერდზე ატვირთული კრიტერიუმების შესაბამისად.
შერჩეული კანდიდატები სასწავლო კურსის წარმატებით დასრულების შემდეგ მიიღებენ შესაბამის სერტიფიკატს.
თითოეული ღონისძიება განკუთვნილია შესაბამისი სფეროს პროფესიონალებისთვის ან ბიზნესის მფლობელებისთვის, რომლებიც აღნიშნული მიმართულებით მუშაობენ თავიანთ კომპანიაში.
სწავლება სრულად ფინანსდება სააგენტოს მიერ.
რეგისტრაციისთვის და დაწვრილებითი ინფორმაციის მისაღებად ეწვიეთ ბმულს: https://shorturl.at/vZf3H
დამატებითი ინფორმაციისთვის მიმართეთ რეგიონის საკონსულტაციო ცენტრს, ან დარეკეთ ცხელ ხაზზე: 15 25“, - აღნიშნულია სააგენტოს საკონსულტაციო ცენტრების Facebook-ის გვერდზე განთავსებულ ინფორმაციაში.
სხვა სიახლეები
საქართველოს ფოსტა საერთაშორისო საფოსტო ბიზნეს ფორუმში მონაწილეობს
11.09.2026.19:48
საქართველოს ფოსტის გენერალური დირექტორი გიორგი ერაძე PostEurop-ისა და PUASP-ის მიერ ორგანიზებულ საფოსტო სექტორის საერთაშორისო შეხვედრაში მონაწილეობს, რომელიც მიმდინარე წლის 10 - 11 სექტემბერს, საფრანგეთის დედაქალაქ პარიზში იმართება.
ღონისძიება საფოსტო სექტორის წარმომადგენლებს სხვადასხვა რეგიონიდან აერთიანებს და წარმოადგენს მნიშვნელოვან პლატფორმას საერთაშორისო თანამშრომლობისგაძლიერებისა და საფოსტო ინდუსტრიის განვითარების მიმართულებით.
ფორუმის ფარგლებში მონაწილეები განიხილავენ საფოსტო სექტორის წინაშე არსებულ გამოწვევებსა და განვითარების შესაძლებლობებს, მათ შორის, ინდუსტრიის თანამედროვე ტენდენციებსა და სამომავლო თანამშრომლობის მიმართულებებს.
„საქართველოს ფოსტის მონაწილეობა საერთაშორისო ფორმატის ღონისძიებებში მნიშვნელოვანია როგორც საერთაშორისო პარტნიორებთან თანამშრომლობის გაღრმავების, ისე საუკეთესო პრაქტიკის გაზიარებისა და ახალი შესაძლებლობების აღმოჩენის თვალსაზრისით. მსგავსი შეხვედრები გვაძლევს შესაძლებლობას, გავეცნოთ საფოსტო ინდუსტრიის თანამედროვე ტენდენციებს, გავუზიაროთ პარტნიორებს ჩვენი გამოცდილება და ერთად ვიმსჯელოთ სექტორის განვითარების სამომავლო გეგმებზე“ - განაცხადა საქართველოს ფოსტის გენერალურმა დირექტორმა გიორგი ერაძემ.
Carrefour-ში საქართველოს ბანკის sCool Card-ისა და Student Card-ის მფლობელებს სხვადასხვა შეთავაზებები დახვდებათ
11.09.2026.18:01
საქართველოს ბანკის sCool Card-ისა და Student Card-ის მფლობელებს Biblusi-ში 40%-იანი ქეშბექი ელოდებათ
11.09.2026.17:45
მეტი დრო ინვესტირებისთვის - თიბისის მობაილბანკის ინვესტიციების პლატფორმაზე სავაჭრო საათები გაიზარდა
11.09.2026.16:05
თიბისის მობაილბანკის აგვისტოს განახლებები - კიდევ უფრო მეტი შესაძლებლობა ერთ სივრცეში
11.09.2026.14:06
Marriott-მა აზერბაიჯანსა და საქართველოში სამი ობიექტის განვითარების შესახებ შეთანხმებას ხელი მოაწერა
11.09.2026.11:08
