აშშ-დან იმპორტი 40%-იან ზრდას აჩვენებს. საქსტატის ინფორმაციით, 2025 წლის იანვარ-ივლისში საქართველომ აშშ-დან 1 553 114.2 ათასი დოლარის ღირებულების იმპორტი განახორციელა. 2024 წლის ანალოგიურ პერიოდში კი აშშ-დან იმპორტი 1 113 102.7 ათასი დოლარის დონეზე იყო. მიმდინარე სტატისტიკური მაჩვენებლების მიხედვით, აშშ-დან საქართველოში ნომერ პირველი საიმპორტო პროდუქტი მსუბუქი ავტომობილებია, რაზედაც აშშ-დან იმპორტის 78%-ი მოდის. 

TOP 5 პროდუქტი, რასაც საქართველო აშშ-დან ყიდულობს:

• მსუბუქი ავტომობილები - 1 206 622.0 ათასი დოლარი;
• სურათები, ნახატები და პასტელები, ხელით შესრულებული - 167 613.2 ათასი დოლარი;
• ძრავები ტურბორეაქტიული და ტურბოხრახნიანი, ტურბინები აირის სხვა - 30 715.5 ათასი დოლარი;
• ქანდაკებების და სტატუეტების დედნები ნებისმიერი მასალისაგან​ - 30 569.8 ათასი დოლარი;
• თხილი და სხვა კაკალი - 19 646.3 ათასი დოლარი;

რაც შეეხება აშშ-ში ექსპორტს, აქ 46%-იანი კლებაა. 2025 წლის 7 თვეში საქართველოს აშშ-ს ბაზარზე 46 943.4 ათასი დოლარის პროდუქცია გადაზიდა. 2024 წლის ანალოგიურ პერიოდში კი 87 207.1 ათასი დოლარის. საქართველოდან აშშ-ში ნომერ პირველი საექსპორტო პროდუქტი ფეროშენადნობებია. 

TOP 5 პროდუქტი, რასაც საქართველო აშშ-ში ყიდის:

• ფეროშენადნობები - 10 523.3 ათასი დოლარი;
• მილები, მილაკები და ღრუ პროფილები, უნაკერო, შავი ლითონისაგან - 7 954.8 ათასი დოლარი;
• საფრენი აპარატების ნაწილები - 7 358.6 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 3 411.1 ათასი დოლარი;
• ყურძნის ნატურალური ღვინოები - 3 354.1 ათასი დოლარი;
•