Galt & Taggart-ის პროგნოზით შემდგომ თვეებში ინფლაცია შესაძლოა 4%-ზე მაღალი იყოს,  თუმცა წლის ბლოსთვის ქვემოთ წამოვა და 2026 წლისთვის 3%-თან ახლოს იქნება. აღნიშნულის შესახებ განცხადება რადიო „სივრცის“ ეთერში გადაცემა Business Insider Georgia-ში სტუმრობისას Galt & Taggart-ის ეკონომისტი ლაშა ქავთარაძემ გააკეთა. მისივე თქმით, მიმდინარე წელს ინფლაციაზე გავლენას ახდენს ადგილობრივად წარმოებული საქონლი ფასების ცვლილება.

„წლის დასაწყისიდან ჩვენი საშუალო წლიური ინფლაციის პროგნოზი 3.7%-ია. ჩვენ პირველ კვარტალში უფრო დაბალი ინფლაცია გვქონდა, 3%-ზე დაბალი იყო. მეორე კვარტალში ინფლაცია დაუახლოვდა 4%-ს.

ჩვენი პროგნოზი არის, რომ შემდგომ თვეებში ინფლაცია შესაძლოა 4%-ზე მაღალი იყოს. დაახლოებით, 4.5-ის ფარგლებში ჩამოყალიბდეს, თუმცა წლის ბლოსთვის ისევ  ქვემოთ წამოსვლას და 2026 წლისთვის 3%-თან ახლოს იქნება. მიმდინარე წელს ინფლაციაზე რაც გავლენას ახდენს ეს არის ადგილობრივად წარმოებული საქონლისა და ფასების ცვლილება შერეულ საქონელთან ერთად, მაშინ როცა იმპორტირებული ფასების ცვლილება არის უარყოფითი, ანუ დეფლაცია გვაქვს იმპორტირებული საქონლის კუთხით და აქ დომინანტური პოზიცია აქვს ისევ ნავთობპროდუქტებს და დიზელს. როდესაც კონფლიქტი დაიწყო ისრაელ-ირანს  შორის ვხედავდით, რომ ნავთობის ფასებს მყისიერი რეაქცია ჰქონდა, მნიშვნელოვანი მატება იყო. 10$ -ით გაიზარდა ბარელზე და მაშინ მოლოდინები გაჩნდა, რომ ეს ინფლაციურ წნეხს შექმნიდა. რა თქმა უნდა ეს ჩვენთანაც გადმოეცემოდა. გათვლები გვქონდა, რომ თუ დოლარის ფასი 90$-ზე ზემოთ შენარჩუნდებოდა, ან 90$-ის ფარგლებშიც, რომ ყოფილიყო ამის გავლენა ჩვენს მთლიან წლიურ ინფლაციაზე 0.5-0.7 % იქნებოდა და ეს დააჩქარებდა ინფლაციას. კონფლიქტი სწრაფად მოგვარდა. შესაბამისად, ისევ დაუბრუნდა ძველ ნიშნულს. ჩვენ პროგნოზისთვის არ გადაგვიხედია, მოკლე მონაკვეთში ვერ გადავხედავდით. ამას გარკვეული პერიოდი სჭირდება, რომ დავაკვირდეთ როგორი ტენდენციებით წარიმართება. მოცემულობა რაც დღეს გვაქვს თუ შენარჩუნებული იქნება, ჩვენი პროგნოზი რაც არის ინფლაციასთან დაკავშირებით 3.7%, ეს საკმაოდ  რეალისტურია. ამ ფონზე კი ჩვენ ვფიქრობთ, რომ ეროვნულმა ბანკმა უნდა შეინარჩუნოს მონეტარული პოლიტიკის განაკვეთი უცვლელად“, - აცხადებს ლაშა ქავთარაძე.