EBRD თურქეთის 2025 წლის ეკონომიკური ზრდის პროგნოზს აუმჯობესებს
EBRD-მა თურქეთის 2025 წლის ეკონომიკური ზრდის პროგნოზი გააუმჯობესა.
ევროპის რეკონსტრუქციისა და განვითარების ბანკი (EBRD) თურქეთის 2025 წლის ეკონომიკის ზრდის პროგნოზს 3.1%-მდე აუმჯობესებს. თუმცა აღნიშნულის მიუხედავად ბაზრის არასტაბილურობა და გაზრდილი გაურკვევლობა კვლავ რისკებად რჩება.
ევროპის რეკონსტრუქციისა და განვითარების ბანკი (EBRD) 2025 წელს თურქეთის ეკონომიკის 3.1%-იან ზრდას მოელის, რაც მაისში დაფიქსირებული 2.8%-იანი პროგნოზის ზრდის მიმართულებით გადახედვაა. რაც შეეხება 2026 წელს ამ მიმართულებით EBRD-მა მაჩვენებელი უცვლელად 3.5%-იან დონეზე დატოვა.
EBRD-მა 2024 წელს თურქეთში რეკორდული 2.6 მილიარდი ევროს ინვესტიცია ჩადო, რაც განპირობებული იყო კერძო სექტორის მიერ მწვანე ინვესტიციებისადმი ლტოლვით და ბანკის მიერ 2023 წლის თებერვლის მიწისძვრებით დაზარალებული რეგიონების მხარდაჭერით.
ცნობისთვის, ბანკის ჯამური ინვესტიცია ქვეყანაში 22.4 მილიარდ ევროს აჭარბებს, ხოლო მისი ამჟამინდელი პორტფელი ქვეყანაში დაახლოებით 8 მილიარდ ევროს შეადგენს.
დღის ტოპ 10 სიახლე
სხვა სიახლეები
Jan De Nul-მა შეაფასა ეს პროექტი და ჩვენ უკვე ვიცოდით, რომ შეგვეძლო აუზისა და არხის იმგვარად დაპროექტება, რომ არ შეგვეზღუდა დიდი გემების შემოსვლა და უზრუნველგვეყო პორტის სრული სიმძლავრით მუშაობის გარანტირება - ჩვენ ვიპოვეთ გზა, რომ ანაკლიის პორტი ხარჯთეფექტური გავხადოთ l კომპანია Jan De Nul N.V.-ის საქართველოს ფილიალის დირექტორი
12.08.2026.19:54
ჩვენმა, Jan De Nul-ის ბელგიელმა ინჟინრებმა, ჩვენს ჰოლანდიელ კონსულტანტ კომპანია Royal HaskoningDHV-სთან ერთად, უზარმაზარი საპროექტო და საინჟინრო სამუშაოები გასწიეს იმის უზრუნველსაყოფად, რომ ანაკლიის პორტი სრულად შეესაბამებოდეს იმას, რაც დამკვეთს სურს, - განაცხადა კომპანია Jan De Nul N.V.-ის საქართველოს ფილიალის დირექტორმა ტიმ დევოლდერმა.
ანაკლიის ღრმაწყლოვან პორტში სამშენებლო სამუშაოებს კომპანიის წარმომადგენელთან ერთად დღეს ეკონომიკისა და მდგრადი განვითარების მინისტრის მოადგილე თამარ იოსელიანი და შპს „ანაკლიის საზღვაო ნავსადგურის“ დირექტორი ზურაბ სიჭინავა ადგილზე გაეცნენ.
როგორც Jan De Nul N.V.-ის საქართველოს ფილიალის დირექტორმა აღნიშნა, საქართველოს სახელმწიფოს ანაკლიის პორტის პროექტის მიმართ მკაცრი მოთხოვნები აქვს, რომელთაც კომპანია სამუშაო პროცესში სრულად ითვალისწინებს.
„ჩვენ აქ ვართ, რათა ავაშენოთ ზუსტად ის, რაც სახელმწიფოს სურს. ჩვენი პასუხისმგებლობა ასევე მოიცავს იმას, რომ ბაზარზე კონკურენტუნარიანები ვიყოთ. Jan De Nul-მა შეაფასა ეს პროექტი და ჩვენ უკვე ვიცოდით, რომ შეგვეძლო აუზისა და არხის იმგვარად დაპროექტება, რომ არ შეგვეზღუდა დიდი გემების შემოსვლა და უზრუნველგვეყო პორტის სრული სიმძლავრით მუშაობის გარანტირება - ჩვენ ვიპოვეთ გზა, რომ ანაკლიის პორტი ხარჯეფექტური გავხადოთ“, - განაცხადა ტიმ დევოლდერმა.
