მარიამ ქვრივიშვილი „თბილისის აბრეშუმის გზის ფორუმზე" პანელურ დისკუსიებზე სიტყვით წარსდგება
საქართველოს ეკონომიკისა და მდგრადი განვითარების მინისტრი მარიამ ქვრივიშვილი 22-23 ოქტომბერს „თბილისის აბრეშუმის გზის ფორუმის" ფარგლებში პანელურ დისკუსიებში მიიღებს მონაწილეობას.
მინისტრი „შუა დერეფნის" სტრატეგიულ მნიშვნელობასა და მის ეკონომიკურ გავლენაზე ისაუბრებს, ფოკუსი კი ახალი ეკონომიკური შესაძლებლობების განვითარებაზე გაკეთდება. მარიამ ქვრივიშვილი ასევე ყურადღებას გაამახვილებს ქვეყნის საინვესტიციო პოლიტიკაზე.
„თბილისის აბრეშუმის გზის ფორუმს", რომელიც საქართველოს პრემიერ-მინისტრის, ირაკლი კობახიძის პატრონაჟით ჩატარდება, 2000-მდე დელეგატი დაესწრება. მათ შორის, სახელმწიფოების მეთაურები, პრემიერ-მინისტრები, ვიცე-პრემიერები, აღმასრულებელი დირექტორები, საერთაშორისო ორგანიზაციების ლიდერები და მედიის წარმომადგენლები. ათწლიანი ისტორიის მანძილზე პირველად საქართველო თბილისის ფინანსურ სამიტს სინგაპურში დაფუძნებულ ორგანიზაციასთან - Global Finance and Technology Network (GFTN), ერთად უმასპინძლებს.
„თბილისის აბრეშუმის გზის ფორუმი" პირველად 2015 წელს ჩატარდა და უკვე ათ წელზე მეტია წამყვან საერთაშორისო ღონისძიებად იქცა, რომელიც ვაჭრობის, ტრანსპორტის, ენერგეტიკისა და ციფრული კავშირების სტრატეგიულ დისკუსიებს უწყობს ხელს.
დღის ტოპ 10 სიახლე
სხვა სიახლეები
ლარის კურსი დოლართან და ევროსთან გამყარდა
14.07.2026.17:02
1 ევროს ოფიციალური ღირებულება 3.0026 ლარი გახდა, ხოლო 1 აშშ დოლარის 2.6350 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6350 ლარით განისაზღვრა. კურსი, რომელიც დღეს მოქმედებდა 2.6359 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0009 ლარი შეადგინა.
რაც შეეხება ევროს, მისი ღირებულება 3.0026 ლარია მაშინ, როცა დღეს მოქმედი
კურსი 3.0128 ლარს შეადგენდა. შესაბამისად, ევროს ცვლილებამ 0.0102
ლარი შეადგინა.
