მსოფლიო ბანკმა დაადასტურა საქართველოს მიმართ მხარდაჭერა როგორც რეფორმების, ისე ინფრასტრუქტურული პროექტების დაფინანსების მიმართულებით - ლაშა ხუციშვილი
მსოფლიო ბანკმა დაადასტურა საქართველოს მიმართ მხარდაჭერა როგორც რეფორმების, ისე ინფრასტრუქტურული პროექტების დაფინანსების მიმართულებით, - განაცხადა ფინანსთა მინისტრმა ლაშა ხუციშვილმა.
როგორც მან აღნიშნა, მსოფლიო ბანკის მმართველ დირექტორთან და ბანკის ვიცე-პრეზიდენტთან გამართულ შეხვედრებზე საუბარი შეეხო ქვეყნისთვის არაერთ პრიორიტეტულ სფეროს.
მისი თქმით, როგორც რეფორმებით, ისე ეკონომიკური განვითარებით საქართველო გამორჩეულია არამხოლოდ რეგიონში არამედ მსოფლიოში.
„ბოლო 5 წლის პროგნოზით, საქართველო ყველაზე სწრაფად მზარდი ეკონომიკაა. ჩვენ საუბარი გვქონდა კონკრეტულ ინფრასტრუქტურულ პროექტებზე, რომელსაც მსოფლიო ბანკი აფინანსებს. გარდა ამისა, განვიხილეთ სამომავლო პროექტები, რომელთა განხორციელებასა და დაფინანსებაში მსოფლიო ბანკი ძალიან აქტიურად იქნება ჩართული. ეს იქნება როგორც საგზაო, ისე სარკინიგზო ინფრასტრუქტურა, ასევე წყლის სისტემები და სხვა ინფრასტრუქტურული პროექტები, რომლებიც სრულ თანხვედრაშია ჩვენი ქვეყნის პრიორიტეტებთან. მსოფლიო ბანკი რჩება ერთ-ერთ ყველაზე დიდ ინვესტორად საქართველოში, რომელსაც განხორციელებული აქვს 5 მლრდ დოლარზე მეტი ინვესტიცია", - აღნიშნა ფინანსთა მინისტრმა ლაშა ხუციშვილმა.
მისი თქმით, მსოფლიო ბანკი აქტიურად განაგრძობს ინვესტირებას საქართველოს ეკონომიკაში.
დღის ტოპ 10 სიახლე
სხვა სიახლეები
I კვარტალში ქვეყანაში $10,5 მილიონის ღირებულების ყველის იმპორტი განხორციელდა
13.05.2026.19:00
2026 წლის პირველ კვარტალში ქვეყანაში 10 541.4 ათასი დოლარის ღირებულების ყველისა და ხაჭოს იმპორტი განხორციელდა. როგორც საქსტატის საიტზე განთავსებული ინფორმაციიდან ირკვევა, 2026 წლის იანვარ-მარტში საქართველომ 1 981.2 ტონა ყველისა და ხაჭოს იმპორტი განახორციელა, ერთი წლით ადრე, ანუ 2025 წლის ანალოგიურ პერიოდში 1 673.4 ტონის. შესაბამისად იმპორტი 18%-ით არის გაზრდილი.
2026 წლის პირველ კვარტალში საქართველოში ყველისა და ხაჭოს მთავარი იმპორტიორი თურქეთია.
TOP 5 ქვეყანა საიდანაც საქართველო ყველისა და ხაჭოს იმპორტს ახდენს:
საქართველოს კაპიტალის ბაზარზე ობლიგაციების ემისიების მზარდი დინამიკა ადასტურებს ბაზრისადმი ნდობასა და ინვესტორთა ინტერესის ზრდას - ეკატერინე მიქაბაძე
13.05.2026.18:05
იანვარი-აპრილის პერიოდში ექსპორტის მოცულობა დაახლოებით 21%-ით გაიზარდა, რაც რეკორდული მაჩვენებელია - ვახტანგ ცინცა
13.05.2026.15:27
