საქართველოს სპორტის მინისტრის, შალვა გოგოლაძის განმარტებით, ახალი, სპორტული, თანამედროვე ინფრასტრუქტურა ახალგაზრდა თაობას ახალისებს, რომ სპორტით დაკავდნენ. შალვა გოგოლაძის განცხადებით, ქვეყანაში უახლოეს ხუთ წელში სპორტული ინფრასტრუქტურის განვითარების მიზნით 2 მილიარდი ლარის ინვესტიცია იგეგმება.

„პირველ რიგში, რა თქმა უნდა, ინფრასტრუქტურა არის მნიშვნელოვანი, იმიტომ რომ ის გამარჯვებები, რაც გუშინ ვიხილეთ, და ის გამარჯვებები, რაც აქამდე გვქონდა - ეს, რა თქმა უნდა, ჩვენს ახალგაზრდა თაობას ახალისებს იმისთვის, რომ ისინი დაკავდნენ სპორტის სხვადასხვა სახეობებში. მნიშვნელოვანია, რომ მათ დახვდეთ თანამედროვე, ახალი სპორტული ინფრასტრუქტურა, რისთვისაც, როგორც მოგეხსენებათ, პრემიერის ინიცირებით, მომავალი ხუთი წლის განმავლობაში 2 მილიარდი ლარი დაიხარჯება იმისთვის, რომ ყველა მუნიციპალიტეტში იყოს თანამედროვე, ახალი სპორტული, მრავალფუნქციური კომპლექსები, რომელიც მისცემს ჩვენს ახალგაზრდა თაობას და არამარტო ახალგაზრდა თაობას, არამედ საქართველოს ნებისმიერ მოქალაქეს სპორტისადმი ხელმისაწვდომობას,“ - აღნიშნა მინისტრმა Business Insider Georgia-ს კითხვის პასუხად, რომელიც დაინტერესდა რა როლი აქვს ინფრასტრუქტურას სპორტის განვითარებაში და როგორც მოქმედებს ფულადი წახალისება მოტივაციაზე.

დღეს გაჟღერდა, რომ საქართველოს მთავრობა ევრობასკეტზე წარმატებული ასპარეზობისთვის ეროვნულ საკალათბურთო ნაკრებს 3 მილიონ ლარს გამოუყოფს და ევროპის ჩემპიონატზე ყოველი შემდგომი მოგებული თამაშისთვის ასევე 3 მილიონი ლარი დაწესდება.
სპორტის მინისტრის თქმით, სპორტსმენების პრემირების პრაქტიკა საქართველოში წლებია მოქმედებს და ის დიდ როლს ასრულებს მოტივაციის ამაღლებაში.

„რაც შეეხება პრემიალურს - როგორც ეს პრემიალური მრავალი წელია მოქმედებს საქართველოში - თითოეული სპორტული წარმატება, სხვადასხვა სპორტის სახეობებში პრემირებით ჩვენი სპორტსმენები ხალისდებიან. შესაბამისად დარწმუნებული ვარ, რომ ეს დამატებითი სტიმული ჩვენი კალათბურთელებისთვის კიდევ ერთი დამატებითი სტიმული იქნება იმისთვის, რომ კიდევ უფრო კარგად და უფრო მაგრად მოემზადონ ფინეთთან თამაშისთვის“, - აღნიშნა