ჩინეთიდან იმპორტმა, 2025 წლის 9 თვის მაჩვენებლებით 1 430 600.0 ათასი დოლარი შეადგინა, 2024 წლის ანალოგიურ პერიოდში კი აღნიშნული მაჩვენებელი 1 194 580.0 ათას დოლარს შეადგენდა. წლიურ ჭრილში იმპორტის ზრდა 20%-ის დონეზეა. საქსტატის ინფორმაციით, წელს ჩინეთიდან ყველაზე მეტი ღირებულებით ქვეყანაში შემოსული პროდუქტი ჰაერის კონდიცირების მოწყობილობებია.

TOP 5 პროდუქტი, რასაც საქართველო ჩინეთიდან ყიდულობს:

• მოწყობილობები ჰაერის კონდიცირებისათვის - 46 112.7 ათასი დოლარი;
• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 42 385.3 ათასი დოლარი;
• რეზინის პნევმატური სალტეები და საბურავები, ახალი - 40 649.6 ათასი დოლარი;
• მსუბუქი ავტომობილები - 38 631.3 ათასი დოლარი;
• გამომთვლელი მანქანები და მათი ბლოკები - 37 856.9 ათასი დოლარი;

2025 წლის სამი კვარტალის მაჩვენებლებით ჩინეთში ექსპორტიდან საქართველომ 216 915.0 ათასი დოლარის შემოსავალი მიიღო, რაც გასული წლის ანალოგიური პერიოდის მაჩვენებლებთან 7%-იანი კლებაა. 2024 წლის 9 თვეში საქართველომ ჩინეთში ექსპორტზე 233 527.0  ათასი დოლარის ღირებულების პროდუქცია გაიტანა. მიმდინარე სტატისტიკური მაჩვენებლების მიხედვით, საქართველოდან ჩინეთში განხორციელებულ ექსპორტში ნომერ პირველი საექსპორტო პროდუქტი ძვირფასი ლითონების მადნები და კონცენტრატებია.

TOP 5 პროდუქტი, რასაც საქართველო ჩინეთის ბაზარზე ყიდის:

• მადნები და კონცენტრატები ძვირფასი ლითონებისა - 159 590.0 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 16 247.6 ათასი დოლარი;
• მადნები და კონცენტრატები სპილენძის - 11 572.3 ათასი დოლარი;
• კოჭა, ზაფრანა, ურცი, დაფნის ფოთოლი, კარი და სხვა სანელებლები - 10 935.2 ათასი დოლარი;
• ყურძნის ნატურალური ღვინოები - 6 942.4 ათასი დოლარი;