საქართველო-ჩინეთის სავაჭრო ურთიერთობები მზარდია. საქსტატის მაჩვენებლების მიხედვით, 2026 წლის იანვარში საქართველომ ჩინეთში 66 056.0 ათასი დოლარის ღირებულების პროდუქცია შეიტანა, 2025 წლის ანალოგიურ პერიოდში კი 18 062.6 ათასი დოლარის. ზრდა 265.7%-ია. იანვარში საქართველოდან ჩინეთში ნო,მერ პირველი საექსპორტო პროდუქტი ძვირფასი ლითონების მადნები და კონცენტრატები იყო.

TOP 5 პროდუქტი, რის ექსპორტსაც საქართველო ჩინეთში ახდენს:

• მადნები და კონცენტრატები ძვირფასი ლითონებისა - 50 974.7 ათასი დოლარი;
• მადნები და კონცენტრატები სპილენძის - 8 938.0 ათასი დოლარი;
• კოჭა, ზაფრანა, ურცი, დაფნის ფოთოლი, კარი და სხვა სანელებლები - 3 701.4 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 910.7 ათასი დოლარი;
• ყურძნის ნატურალური ღვინოები - 433.8 ათასი დოლარი;

რაც შეეხება ჩინეთიდან იმპორტს, ის 2026 წლის იანვრის მონაცემებით 157 257.8 ათას დოლარს შეადგენს, 2025 წლის იანვარში კი 115 870.1 ათასი დოლარის დონეზე იყო. შესაბამისად იმპორტი 35.7%-ით არის გაზრდილი. 

TOP 5 პროდუქტი, რის იმპორტსაც საქართველო ჩინეთიდან ახდენს:

• ელექტროგენერატორული დანადგარები და მბრუნავი ელექტრო გარდამქმნელები - 17 776.9 ათასი დოლარი;
• დიოდები, ტრანზისტორები და ანალოგიური ნახევარგამტარი ხელსაწყოები - 13 952.4 ათასი დოლარი;
• ნივთიერებები შემკვრელი მზა, სამსხმელო ფორმების წარმოებაში გამოსაყენებელი - 5 729.9 ათასი დოლარი;
• მსუბუქი ავტომობილები - 5 645.4 ათასი დოლარი;
• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 5 631.8 ათასი დოლარი;