ვერცხლისა და ოქროს ფასები რეკორდულად დაეცა
მსოფლიოში ვერცხლის ფასები 36%-ით შემცირდა, რაც ისტორიული ანტირეკორდია. ოქრომ კი ღირებულების 12% დაკარგა, რაც ყველაზე დიდი ვარდნაა ბოლო 40 წლის განმავლობაში. ძვირფასი ლითონების ბაზრებზე ფასების მკვეთრი კლება 30 იანვარს დაფიქსირდა.
ბოლო პერიოდში ოქროსა და ვერცხლის ფასები მუდმივად იზრდებოდა გეოპოლიტიკური არასტაბილურობის, ომებისა და აშშ-ის ფედერალური სარეზერვო სისტემის (FED) ახალ ხელმძღვანელობასთან დაკავშირებული გაურკვევლობის ფონზე. ინვესტორები და ცენტრალური ბანკები ოქროს „უსაფრთხო აქტივად“ განიხილავდნენ.
30 იანვარს აშშ-ის პრეზიდენტმა დონალდ ტრამპმა ამერიკის ფედერალური სარეზერვო სისტემის ხელმძღვანელის პოსტზე კევინ უორში წარადგინა. ბაზრებმა ეს ნაბიჯი აღიქვეს როგორც პროგნოზირებადი მონეტარული პოლიტიკის სიგნალი, რამაც ძვირფას ლითონებზე მოთხოვნა შეამცირა.
დღის ტოპ 10 სიახლე
სხვა სიახლეები
Jan De Nul-მა შეაფასა ეს პროექტი და ჩვენ უკვე ვიცოდით, რომ შეგვეძლო აუზისა და არხის იმგვარად დაპროექტება, რომ არ შეგვეზღუდა დიდი გემების შემოსვლა და უზრუნველგვეყო პორტის სრული სიმძლავრით მუშაობის გარანტირება - ჩვენ ვიპოვეთ გზა, რომ ანაკლიის პორტი ხარჯთეფექტური გავხადოთ l კომპანია Jan De Nul N.V.-ის საქართველოს ფილიალის დირექტორი
12.08.2026.19:54
ჩვენმა, Jan De Nul-ის ბელგიელმა ინჟინრებმა, ჩვენს ჰოლანდიელ კონსულტანტ კომპანია Royal HaskoningDHV-სთან ერთად, უზარმაზარი საპროექტო და საინჟინრო სამუშაოები გასწიეს იმის უზრუნველსაყოფად, რომ ანაკლიის პორტი სრულად შეესაბამებოდეს იმას, რაც დამკვეთს სურს, - განაცხადა კომპანია Jan De Nul N.V.-ის საქართველოს ფილიალის დირექტორმა ტიმ დევოლდერმა.
ანაკლიის ღრმაწყლოვან პორტში სამშენებლო სამუშაოებს კომპანიის წარმომადგენელთან ერთად დღეს ეკონომიკისა და მდგრადი განვითარების მინისტრის მოადგილე თამარ იოსელიანი და შპს „ანაკლიის საზღვაო ნავსადგურის“ დირექტორი ზურაბ სიჭინავა ადგილზე გაეცნენ.
როგორც Jan De Nul N.V.-ის საქართველოს ფილიალის დირექტორმა აღნიშნა, საქართველოს სახელმწიფოს ანაკლიის პორტის პროექტის მიმართ მკაცრი მოთხოვნები აქვს, რომელთაც კომპანია სამუშაო პროცესში სრულად ითვალისწინებს.
„ჩვენ აქ ვართ, რათა ავაშენოთ ზუსტად ის, რაც სახელმწიფოს სურს. ჩვენი პასუხისმგებლობა ასევე მოიცავს იმას, რომ ბაზარზე კონკურენტუნარიანები ვიყოთ. Jan De Nul-მა შეაფასა ეს პროექტი და ჩვენ უკვე ვიცოდით, რომ შეგვეძლო აუზისა და არხის იმგვარად დაპროექტება, რომ არ შეგვეზღუდა დიდი გემების შემოსვლა და უზრუნველგვეყო პორტის სრული სიმძლავრით მუშაობის გარანტირება - ჩვენ ვიპოვეთ გზა, რომ ანაკლიის პორტი ხარჯეფექტური გავხადოთ“, - განაცხადა ტიმ დევოლდერმა.
