აშშ-ჩინეთის ტარიფებთან დაკავშირებული დაძაბულობის შემცირების ნიშნებმა ჩინეთის აქციებზე პოზიტიური გავლენა მოახდინა, თუმცა გლობალური ინვესტორები მაინც ფრთხილობენ - TBC Capital
მიუხედავად იმისა, რომ აშშ-ჩინეთის ტარიფებთან დაკავშირებული დაძაბულობის შემცირების ნიშნებმა ჩინეთის აქციებზე პოზიტიური გავლენა მოახდინა, გლობალური ინვესტორების მნიშვნელოვანი ნაწილი მაინც ფრთხილობს. ამის შესახებ თიბისი კაპიტალის მიერ მომზადებულ კაპიტალის ბაზრების ყოველკვირეულ მიმოხილვაშია აღნიშნული.
მათივე ცნობით, Franklin Templeton, UBS Global Wealth და Jupiter Asset Management, ვარაუდობენ, რომ სავაჭრო დაპირისპირება გრძელვადიან პერსპექტივაში გაგრძელდება, დააზარალებს ჩინეთის ეკონომიკას და დიდ ფონდებს ბაზრიდან მოშორებულად დატოვებს.
მიუხედავად იმისა, რომ ოპტიმიზმმა ჩინეთის წამყვანი აქციების ფასები გასულ კვირას გაზარდა, ბაზარი ჯერ კიდევ ჩამორჩება იაპონიასა და ევროპას.
Goldman Sachs პროგნოზირებს ჩინეთის ეკონომიკური ზრდის მკვეთრ შენელებას, ხოლო UBS და სხვა ორგანიზაციები მიუთითებენ, რომ აშშ-სა და ჩინეთს შორის ღრმა სტრუქტურული დაძაბულობები — რომლებიც ტარიფებს ბევრად სცილდება — მერყეობას შეინარჩუნებს.
სხვა სიახლეები
ფინანსთა მინისტრი ლაშა ხუციშვილი ლონდონის საფონდო ბირჟის ჯგუფის (London Stock Exchange Group) ევროპის განყოფილების პირველადი ბაზრების ხელმძღვანელს შეხვდა
08.07.2026.17:23
ფინანსთა მინისტრი ლაშა ხუციშვილი „ლონდონის საფონდო ბირჟის ჯგუფის" (London Stock Exchange Group) ევროპის განყოფილების პირველადი ბაზრების ხელმძღვანელს, აიუნა ნეჩაევას და დიდი ბრიტანეთის ელჩს საქართველოში, გარეთ უორდს შეხვდა.
„ლონდონის საფონდო ბირჟის ჯგუფის" მიერ წარმოდგენილ იქნა ინფორმაცია ჯგუფის აქტივობებისა და საქმიანობის შესახებ. შეხვედრაზე ხაზი გაესვა საქართველოს სუვერენულ და კერძო სექტორთან არსებულ მჭიდრო თანამშრომლობას და სამომავლო გეგმებს.
განხილულ იქნა საერთაშორისო კაპიტალის ბაზრებზე არსებული ტენდენციები, ინვესტორთა მზარდი დაინტერესება საქართველოს და რეგიონის ბაზრებით. აღინიშნა მიმდინარე წლის იანვარში საქართველოს მიერ ევრობონდების წარმატებით რეფინანსირება. ქართულმა მხარემ სტუმრებს მიაწოდა ინფორმაცია ფინანსთა სამინისტროს მიერ, მიმდინარე წლის მაისში, სადებიუტო სინდიკაციის მეთოდით გამოშვებული სახაზინო ობლიგაციების შესახებ.
ყურადღება დაეთმო იმ ღონისძიებებს, რომელსაც ქვეყნის მთავრობა ადგილობრივ და საერთაშორისო კაპიტალის ბაზრებზე ახორციელებს დაფინანსების წყაროების დივერსიფიკაციისა და ინვესტორთა ბაზის გაფართოების მიზნით.
შეხვედრაზე, ასევე, განხილულ იქნა ქვეყნის მაკროეკონომიკური და ფისკალური პოლიტიკის ტენდენციები და მიღწევები, მიმდინარე საერთაშორისო გეოპოლიტიკური გამოწვევების ფონზე.
შეხვედრას ქართული მხრიდან დაესწრო ფინანსთა მინისტრის მოადგილე ეკატერინე გუნცაძე.
კომერციული ბანკების წარმომადგენლებმა წამოაყენეს ინიციატივა, რომ ეროვნულმა ბანკმა სვოპ მექანიზმები შემოიღოს - დავით რუსია
03.06.2026.17:30
მიმოქცევაში არსებული ნაღდი ფულის მაჩვენებელი წლიურად საშუალოდ 15%-ით არის გაზრდილი - დავით რუსია
03.06.2026.16:50
ბაზრის ლიდერი საბანკო დაწესებულებები ძალიან სწრაფები და მოქნილები არიან - დავით რუსია
03.06.2026.15:30
