ფინანსთა მინისტრი ლაშა ხუციშვილი თურქეთის ვაჭრობის მინისტრს შეხვდა
დღეს საქართველოს ფინანსთა მინისტრი ლაშა ხუციშვილი შეხვდა თურქეთის რესპუბლიკის ვაჭრობის მინისტრ ომერ ბოლატს, რომელიც საქართველოში სამუშაო ვიზიტით იმყოფება.
მხარეებმა მიმოიხილეს ორ ქვეყანას შორის არსებული სავაჭრო-ეკონომიკური ურთიერთობების დინამიკა.
ხაზი გაესვა საქართველოსა და თურქეთს შორის ორმხრივ და რეგიონულ პროექტებში პარტნიორობის მნიშვნელობას.
მინისტრებმა ისაუბრეს მიმდინარე და დაგეგმილ რეფორმებსა და პროექტებზე საგზაო და სარკინიგზო დაკავშირებადობის, ენერგეტიკული პოტენციალისა და ენერგოუსაფრთხოების, გადაზიდვებისა და ლოგისტიკური ინფრასტრუქტურის მიმართულებით.
საუბარი, შეეხო საბაჟო სფეროში ორმხრივი თანამშრომლობის საკითხებს, საბაჟო-გამშვები პუნქტების მართვის მიმართულებით.
თავის მხრივ, თურქეთის დელეგაციის მხრიდან აღინიშნა საქართველოს როლი, როგორც ორმხრივი, ისე რეგიონული თანამშრომლობის კონტექსტში. თურქეთის ვაჭრობის მინისტრმა აღნიშნული პარტნიორობის განმტკიცების მზაობა გამოთქვა.
შეხვედრას ქართული მხრიდან დაესწრნენ ფინანსთა მინისტრის მოადგილე ეკატერინე გუნცაძე, შემოსავლების სამსახურის უფროსი ირაკლი (დაჩი) ბერაია, სტუმრების მხრიდან - თურქეთის ვაჭრობის სამინისტროსა და საბაჟო სამსახურის ხელმძღვანელები, ასევე თურქეთის რესპუბლიკის საგანგებო და სრულუფლებიანი ელჩი საქართველოში ალი ქაან ორბაი.
დღის ტოპ 10 სიახლე
შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით
სხვა სიახლეები
როგორ იცვლებოდა ქართული კომპანიების აქციების ფასი ლონდონის ბირჟაზე
11.05.2026.15:57
Galt & Taggart ბაზრის ყოველკვირეულ მიმოხილვას აქვეყნებს.
Lion Finance Group-ის (BGEO LN) აქციები დაიხურა 110.30 ბრიტანულ ფუნტ სტერლინგში (GBP), +1.66% წინა კვირასთან შედარებით და +2.22% გასულ თვესთან შედარებით. ვაჭრობის მოცულობამ 353 ათას აქციაზე მეტი შეადგინა, GBP 105.70 - 117.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 62 ათასი აქცია შეადგინა.
თიბისი ბანკის ჯგუფის (TBCG LN) აქციები დაიხურა 46.62 ბრიტანულ ფუნტ სტერლინგში (GBP), -2.18% წინა კვირასთან შედარებით და -0.43% გასულ თვესთან შედარებით.
ვაჭრობის მოცულობამ 303 ათას აქციაზე მეტი შეადგინა, GBP 45.06 - 48.74 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 47 ათასი აქცია შეადგინა.
Georgia Capital-ის (CGEO LN) აქციები დაიხურა 38.75 ბრიტანულ ფუნტ სტერლინგში (GBP), უცვლელი წინა კვირასთან შედარებით და -3.37% გასულ თვესთან შედარებით. ვაჭრობის მოცულობამ 253 ათას აქციაზე მეტი შეადგინა, GBP 37.95 - 39.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 63 ათასი აქცია შეადგინა.
2026 წელი [საბანკო სექტორისთვის] ალბათ ფრთხილი ზრდის წელი იქნება - ალექსანდრე ძნელაძე
05.05.2026.16:05
საბანკო სექტორში ზრდის ტემპისა და მომგებიანობის კარგი მაჩვენებლები ფიქსირდება - ალექსანდრე ძნელაძე
05.05.2026.15:55
