Fitch-მა თიბისი ლიზინგის რეიტინგი "BB" დონეზე შეინარჩუნა, პერსპექტივით უარყოფითი
Fitch-მა თიბისი ლიზინგის რეიტინგი "BB" დონეზე შეინარჩუნა, პერსპექტივით უარყოფითი.
რეიტინგი განპირობებულია მისი ერთადერთი აქციონერის, TBC Bank JSC-ის (BB/უარყოფითი/bb) მხარდაჭერით, რაც აისახება მის აქციონერთა მხარდაჭერის რეიტინგში (SSR) გამოხატული 'bb' დონით.
განახლებაში ნათქვამია, რომ თიბისი ბანკის მხარდასაჭერა TBCL-ის მიმართ მაღალია, რაც ასახავს და თავის მხრივ გამოხატავს სრულ საკუთრებას, საერთო ბრენდინგს, ინტეგრაციის ხარისხს, კაპიტალის და დაფინანსების მხარდაჭერის მაღალიდონეს და შვილობილი კომპანიის დეფოლტის გამო რეპუტაციის მაღალ რისკებს. პოტენციური მხარდაჭერა უნდა იყოს მართვადი თიბისი ბანკისთვის, შვილობილი კომპანიის მცირე ფარდობითი ზომის გათვალისწინებით. აღსანიშნავია რომ თიბისი ლიზინგი თიბისი ბანკის კაპიტალისა და წმინდა შემოსავლის 2%-ზე ნაკლებს შეადგენს.
Fitch-ს მიაჩნია, რომ თიბისი ბანკის მხრიდან თიბისი ლიზინგის მხარდაჭერის ნაწილში რაიმე ტიპის შეფერხება სერიოზულად დააზარალებს თიბისი ბანკის რეპუტაციას მის ძირითად კრედიტორებთან, რაც ძირს უთხრის მის ბიზნეს მოდელს და ზრდის პოტენციალს.
თიბისი ლიზინგი ოპერირებს მხოლოდ საქართველოში, სადაც ის ბაზრის 86%-იან წილს ფლობს. კომპანია ძირითადად ფინანსური ლიზინგით უწევს მომსახურებას მცირე და საშუალო ბიზნესს და კორპორატიულ კლიენტებს და ნაკლებად მიკრობიზნესებსა და ფიზიკურ პირებს. კომპანია თიბისი ბანკის აქტივების მინიმალურ 2%-ს შეადგენს.
დღის ტოპ 10 სიახლე
სხვა სიახლეები
მსოფლიო ბანკის მხარდაჭერით საქართველო საფინანსო სექტორის მდგრადობას აძლიერებს
30.07.2026.12:47
საქართველოსა და რეკონსტრუქციისა და განვითარების საერთაშორისო ბანკს (IBRD) შორის ხელი მოეწერა შეთანხმებას, რომელიც ითვალისწინებს 35 მლნ. აშშ დოლარის მოცულობის ფინანსური რესურსის გამოყოფას „საქართველოში საბანკო რეზოლუციისთვის მზადყოფნის პროექტისთვის".
დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და მსოფლიო ბანკის რეგიონულმა დირექტორმა სამხრეთ კავკასიაში, როლანდ პრაისმა.
ხელმოწერის ცერემონიას დაესწრნენ ეროვნული ბანკის პრეზიდენტი ნათია თურნავა, ფინანსთა მინისტრის მოადგილე ეკატერინე გუნცაძე, სებ-ის პირველი ვიცე-პრეზიდენტი ეკატერინე მიქაბაძე, ფინანსთა სამინისტროს, ეროვნული ბანკისა და მსოფლიო ბანკის წარმომადგენლები.
მსოფლიო ბანკის მიერ დამტკიცებული პროექტი სარეზოლუციო ფონდისთვის ქმნის 35 მილიონი აშშ დოლარის ოდენობის წინასწარ შეთანხმებულ საკრედიტო ხაზს.
მსოფლიო ბანკის ჩართულობით, პროექტის ფარგლებში განხორციელებული სამუშაო და სამომავლოდ დაგეგმილი ღონისძიებები ხელს შეუწყობს სებ-ის რეზოლუციის ჩარჩოს შემდგომ სრულყოფას, ეფექტიანობის ზრდასა და საუკეთესო საერთაშორისო პრაქტიკასთან დაახლოებას.
ამასთან, საკრედიტო ხაზი სარეზოლუციო ფონდისთვის დამატებითი ფინანსური დაცვის მექანიზმია მისი სამიზნე ნიშნულამდე შევსების პერიოდში და ხელს შეუწყობს სარეზოლუციო პროცესის დროულად და ეფექტიანად განხორციელებას.
ფინანსთა მინისტრი ლაშა ხუციშვილი ლონდონის საფონდო ბირჟის ჯგუფის (London Stock Exchange Group) ევროპის განყოფილების პირველადი ბაზრების ხელმძღვანელს შეხვდა
08.07.2026.17:23
კომერციული ბანკების წარმომადგენლებმა წამოაყენეს ინიციატივა, რომ ეროვნულმა ბანკმა სვოპ მექანიზმები შემოიღოს - დავით რუსია
03.06.2026.17:30
მიმოქცევაში არსებული ნაღდი ფულის მაჩვენებელი წლიურად საშუალოდ 15%-ით არის გაზრდილი - დავით რუსია
03.06.2026.16:50
