კაპიტალის ბაზრის განვითარებისთვის ერთ-ერთი რეკორდული წელი გვექნება, - განაცხადა გალტ & თაგარტის გენერალურმა დირექტორმა გიორგი კუპრაშვილმა კომპანია „ალმას“ მიერ ობლიგაციების გამოშვების კომენტირებისას.

გიორგი კუპრაშვილის განმარტებით, ეს იყო ერთ-ერთი ყველაზე მსხვილი დებიუტი, რომელიც წელს ბაზარზე შედგა.

„კაპიტალის ბაზრებს რაც შეეხება წელს ძალიან აქტიური წელია. პირველი ნახევარი შედარებით მცირე აქტივობით გამოირჩეოდა, მაგრამ მეორე ნახევარი ამას აკონპენსირებს და ერთ-ერთი რეკორდული წელი გვექნება. გვყავს ახალი დებიუტანტები ბაზარზე, მათ შორის არის„ ალმა“, რომლის ტრანზაქციაზეც ახლა ვიმუშავეთ და ეს იყო ერთ-ერთი ყველაზე მსხვილი დებიუტი, რომელიც შედგა ბაზარზე და წლევანდელი წლის ყველაზე მსხვილი სავალუტო ემისია. საკმაოდ იშვიათია,  როდესაც დებიუტანტი ამხელა მოცულობით გამოდის ბაზარზე და მიუხედავად ამისა შევძელით, რომ ინვესტორების ძალიან დიდი ინტერესი გვქონოდა - ორივე ტრანში: დოლარის და ევროსი იყო საგრძნობლად გადაჭარბებით მოთხოვნადი და შევძელით, რომ „ალმასთვის“ მიგვეღო სასურველი და ჯანმრთელი მოთხოვნა“, -  აცხადებს გალტ & თაგარტის გენერალური დირექტორი.

გალტ & თაგარტისა და თიბისი კაპიტალის მხარდაჭერით, ალმამ, კაპიტალის ბაზრისმხარდაჭერის პროგრამის ფარგლებში, ობლიგაციები გამოუშვა
გარე სარეკლამო სექტორის წამყვანმა კომპანია ალმამ, გალტ & თაგარტისა და თიბისი კაპიტალის მხარდაჭერით, სააგენტოს აწარმოე საქართველოში „კაპიტალის ბაზრის მხარდაჭერის პროგრამის“ ფარგლებში, სადებიუტოობლიგაციების გამოშვება წარმატებით განახორციელა.
კომპანიის მიერ დამტკიცებული 40 მილიონი აშშდოლარის ობლიგაციების პროგრამის ფარგლებში, ორიტრანშის გამოშვება განხორციელდა:
• აშშ დოლარში დენომინირებული ობლიგაციები – 30 მილიონი დოლარი, 2 წლიანი ვადით, წლიურიკუპონის განაკვეთით [8.50%], კუპონისნახევარწლიური გადახდით.
• ევროში დენომინირებული ობლიგაციები – 8.5 მილიონი ევრო, 2 წლიანი ვადით, წლიური კუპონისგანაკვეთით [7.25%], კუპონის ნახევარწლიურიგადახდით.
აღსანიშნავია, რომ ობლიგაციებზე მაღალი ინტერესი დაფიქსირდა როგორც ადგილობრივი, ისე საერთაშორისო ინვესტორების მხრიდან და განთავსებაში მონაწილეობა 150-ზე მეტმა ფიზიკურმა და იურიდიულმა პირმა მიიღო.