ჯანდაცვის შემოსავლებში 48%-ი მთავრობის მიერ, ხოლო 44%-ი პაციენტების ჯიბიდან გადახდილი თანხებია
2021 წელს ჯანდაცვაში ყველზე მეტი თანხა მთავრობამ ჩადო.
როგორც Galt & Taggart-ის ჯანდაცვის სექტორის მიმოხილვაშია აღნიშნული, 2021 წელს ჯანდაცვის სისტემის შემოსავლებში მთავრობის წილი 48%-ს შეადგენდა. მთავრობის მიერ გადახდილი თანხებიდან 31%-ით საყოველთაო ჯანდაცვის მიმართულება დაფინანსდა, ხოლო 44%-ით covid-19-თან ბრძოლის სამუშაოები. 26%-ი კი სხვადასხვა მიმართულებაზე მოდის.
ირკვევა, რომ 2021 წელს ჯანდაცვის სისტემის შემოსავლების 44%-ი პაციენტების ჯიბიდან გადახდილი თანხებია. სისტემის შემოსავლებში 4%-ი აქვს კერძო სადაზღვევო კომპანიების მიერ გაწეულ ხარჯებს, ხოლო 4%-ი უცხოურ დახმარებაზე მოდის.
2021 წლის სტატისტიკით სექტორში ჯანდაცვის მიმწოდებლების სტატისტიკა ასე გამოიყურება: 269 - სტაციონარი, 2272 - ამბულატორიული დაწესებულება, 79- სასწრაფო დახმარების სადგური, 22 - სისხლის გადასხმის სადგური, 61 - ეპიდემიოლოგიური ცენტრი და 23 - სხვა.
როგორც Galt & Taggart-ში განმარტავენ, საქართველოში ჯანდაცვაზე დანახარჯების სწრაფი ზრდა 2013 წლიდან სახელმწიფო დაფინანსების ზრდამ განაპირობა.
„სახელმწიფო ხარჯები ჯანდაცვაზე 2014-22 წლებში თითქმის გასამმაგდა და 2.0 მლრდ ლარი შეადგინა. იმავე წლებში, მთავრობის დაფინანსების ზრდამ და კერძო სადაზღვევო სექტორის განვითარებამ ჯიბიდან გადახდების წილი ჯანდაცვის მთლიან ხარჯებში 15 პროცენტული პუნქტით 56%-მდე შეამცირა, რაც კვლავ მაღალი მაჩვენებელია ევროკავშირის (16%) და შესადარისი ქვეყნების (38%) საშუალოსთან შედარებით. ჯიბიდან გადახდების მაღალ დონეს საქართველოში, ძირითადად, მედიკამენტებზე დანახარჯები განაპირობებს. საქართველოში ჯანმრთელობის დაცვის სისტემის განვითარების პოლიტიკის მიხედვით, 2030 წლისთვის, მთავრობა ჯიბიდან გადახდების წილის 30%-მდე შემცირებას გეგმავს“, - აღნიშნულია Galt & Taggart-ის ანგარიშში.
დღის ტოპ 10 სიახლე
სხვა სიახლეები
თბილისში, დევნილთათვის განკუთვნილი, თანამედროვე სტანდარტების საცხოვრებელი კომპლექსის მშენებლობა დასკვნით ეტაპზეა - ჯანდაცვის სამინისტრო
12.08.2026.10:10
თბილისში, იძულებით გადაადგილებული ოჯახებისთვის განკუთვნილი, თანამედროვე სტანდარტების შესაბამისი საცხოვრებელი კომპლექსის მშენებლობა დასკვნით ეტაპზეა.
უპრეცედენტოდ მასშტაბური საცხოვრებელი კომპლექსი 11 კორპუსს აერთიანებს, საიდანაც 4 კორპუსში სრულად გარემონტებული ბინები დევნილ ოჯახებს გასულ წელს უკვე გადაეცათ, 7 კორპუსში კი, იძულებით გადაადგილებული ოჯახების განსახლება უახლოეს მომავალში იგეგმება.
ამ ეტაპზე, დევნილი ოჯახებისთვის სრულფასოვანი საცხოვრებელი გარემოს შექმნის მიზნით, ტერიტორიის კეთილმოწყობის სამუშაოები მიმდინარეობს, რაც გამწვანებას, სტადიონების, ბავშვთა გასართობი მოედნებისა და სავარჯიშო სივრცეების მოწყობას ითვალისწინებს.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი ცაგარეიშვილი და დევნილთა სააგენტოს დირექტორი დავით კაიკაციშვილი სამუშაოების მიმდინარეობას ადგილზე გაეცნენ.
კავკასიის მედიცინის ცენტრის განახლებული სამკურნალო-დიაგნოსტიკური ჰაბი - სივრცე, სადაც „მთავარი შენ ხარ“
08.06.2026.15:14
ჯანდაცვის მინისტრის მოადგილე ირინე წაქაძე მსოფლიო ბანკის წარმომადგენელს - რობერტო კლაუდიო სორმანის შეხვდა
22.05.2026.11:58
