მამუკა მდინარაძე მამუკა ხაზარაძის და გერმანიის ელჩის სკანდალზე: გადასახადი რომ ხაზარაძეს უნდა გადაეხადა, რაც კონტრაქტშიც ეწერა, ეს ვერ გაიგო თურმე - ასეთ მარტივ და მდაბიო ტყუილებთან გვაქვს საქმე
გადასახადი რომ მას უნდა გადაეხადა, რაც კონტრაქტშიც ეწერა, ეს ვერ გაიგო თურმე, -განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა მამუკა მდინარაძემ მამუკა ხაზარაძის ოჯახის საკუთრებაში არსებული უძრავი ქონების გერმანიის ელჩისთვის იჯარით გაცემის საკითხთან დაკავშირებით.
„ამ შემთხვევაში ჩვენ გვაქვს საქმე იმასთან, რატომ გასკანდალდა ეს ამბავი. გერმანიის საელჩოა გადამხდელი და მამუკა ხაზარაძემ ისიც კი „არ იცის“, რომ გადასახადების გადამხდელი თავად უნდა იყოს?! გადასახადი რომ მას უნდა გადაეხადა, რაც კონტრაქტშიც ეწერა, ეს ვერ გაიგო თურმე. ასეთ მარტივ და მდაბიო ტყუილებთან გვაქვს საქმე და დიდ თემებსა და „მარშალის გეგმებზე“ რომ ლაპარაკობენ, ასეთი ტყუილების მხილებით უნდა გავაკეთოთ დასკვნები“, - აღნიშნა მდინარაძემ.
დღის ტოპ 10 სიახლე
სხვა სიახლეები
პარლამენტმა მხარი დაუჭირა ცვლილებას, რომელიც 2025 წლის 17 დეკემბრამდე უმაღლეს საგანმანათლებლო დაწესებულებაში ჩარიცხული პირების სწავლის დაფინანსების საკითხს შეეხება
14.05.2026.15:15
პარლამენტმა „უმაღლესი განათლების შესახებ“ საქართველოს კანონში ცვლილებების შეტანის თაობაზე“ საქართველოს კანონში ცვლილებების შეტანის შესახებ“ კანონპროექტი მესამე მოსმენით, დაჩქარებული წესით განიხილა და 77 ხმით მხარი დაუჭირა.
საკანონმდებლო ცვლილების თანახმად, 2025 წლის 17 დეკემბრამდე ჩარიცხულ სტუდენტებს გარდამავალ პერიოდში (2030-2031 სასწავლო წლის ჩათვლით) შეუნარჩუნდებათ არა მხოლოდ უკვე მოპოვებული დაფინანსება, არამედ მიეცემათ მისი მოპოვებისა და გაუმჯობესების შესაძლებლობაც.
პარლამენტის მიერ მიღებული ცვლილება სრულად უზრუნველყოფს სახელმწიფო საგრანტო კონკურსებში სტუდენტების მონაწილეობას და სოციალური პროგრამებით სარგებლობას.
საკანონმდებლო ცვლილების ავტორია საქართველოს განათლების, მეცნიერებისა და ახალგაზრდობის სამინისტრო, ინიციატორი კი - საქართველოს მთავრობა.
