გარემოსდაცვითი ინფორმაციისა და განათლების ცენტრმა პლასტმასის ზემოქმედებისა და მისი შემცირების საკითხებზე თბილისის 215-ე საჯარო სკოლის მოსწავლეებთან საინფორმაციო-შემეცნებითი შეხვედრა გამართა
გარემოსდაცვითი ინფორმაციისა და განათლების ცენტრმა თბილისის 215-ე საჯარო სკოლების მოსწავლეებთან საინფორმაციო-შემეცნებითი შეხვედრა გამართა. ტრენინგები პლასტმასის მოხმარების შემცირებასა და ნარჩენების მართვის აქტუალურ საკითხებს დაეთმო.
შეხვედრის ფარგლებში მოსწავლეებმა მიიღეს ამომწურავი ინფორმაცია პლასტმასის გარემოზე უარყოფითი ზეგავლენის შესახებ და გაეცნენ ნარჩენების დახარისხებისა და შემცირების პრაქტიკულ მიდგომებს. განსაკუთრებული ყურადღება დაეთმო ერთჯერადი პლასტმასის გამოყენების შემცირებასა და ეკომეგობრული ალტერნატივების დანერგვის მნიშვნელობას ყოველდღიურ ცხოვრებაში.
გარემოსდაცვითი ინფორმაციისა და განათლების ცენტრის დირექტორის განცხადებით, პლასტმასის პრობლემის მართვა და ამ მიმართულებით ახალგაზრდების ცნობიერების ამაღლება ცენტრის ერთ-ერთ მთავარ პრიორიტეტს წარმოადგენს. სწორედ ამიტომ, ცენტრი მომავალშიც აქტიურად გააგრძელებს პლასტმასის ზემოქმედების შემცირებაზე ორიენტირებული საგანმანათლებლო შეხვედრების ორგანიზებას ქვეყნის სხვადასხვა რეგიონში.
სხვა სიახლეები
მზის პანელების შეძენისა და მონტაჟის მოტივით 40 000 ლარის თაღლითურად დაუფლების ფაქტზე პროკურატურამ ერთ პირს ბრალი წარუდგინა
13.11.2026.16:35
თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა იმ მოტივით, რომ შეიძენდა და დაამონტაჟებდა მზის პანელებს, დაზარალებულებს 40 000 ლარი ჩაარიცხინა, რომელიც მიისაკუთრა და ქვეყნის ფარგლები დატოვა.
ბრალდებულს ბრალდება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით (თაღლითობა, ჩადენილი დიდი ოდენობით) დაუსწრებლად წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.
პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს უკვე მიმართა.