ინიციატივები, რომლებსაც საქართველო ახორციელებს, აძლიერებს რეგიონის ეკონომიკურ უსაფრთხოებას და ქმნის უფრო სტაბილურ, პროგნოზირებად გარემოს - მარიამ ქვრივიშვილი
„ტრანსკასპიურ სატრანსპორტო დერეფანში საქართველოს მკაფიო როლი აქვს - ჩვენი ქვეყანა ამ დერეფნის არა პასიური ბენეფიციარი, არამედ, სხვებთან ერთად, მისი წარმატებისა და ეფექტიანობის აქტიური არქიტექტორია. ყველა ინიციატივა, რომელსაც ჩვენ ვახორციელებთ, აძლიერებს რეგიონის ეკონომიკურ უსაფრთხოებას და ქმნის უფრო სტაბილურ, პროგნოზირებად გარემოს. მნიშვნელოვანია, რომ ეს დერეფანი განვავითაროთ არამხოლოდ ტვირთების გასატარებლად, არამედ ნდობისა და ხანგრძლივი რეგიონული თანამშრომლობის შესაქმნელად" - ამის შესახებ მარიამ ქვრივიშვილმა ევროკავშირის, ცენტრალური აზიის, სამხრეთ კავკასიისა და შავი ზღვის რეგიონის ტრანსპორტის მინისტრების შეხვედრაზე სიტყვით გამოსვლისას განაცხადა.
მინისტრის შეფასებით, ევროკავშირის გლობალური კარიბჭის ინიციატივა რეგიონს სთავაზობს ძლიერ ჩარჩოს მდგრადი და მომავალზე ორიენტირებული კავშირის შესაქმნელად. მარიამ ქვრივიშვილის განცხადებით, აღნიშნული ინიციატივა გულისხმობს ინფრასტრუქტურის განვითარებისადმი ერთიან მიდგომას და ხელს უწყობს ურთიერთპატივისცემაზე, საერთო ხედვასა და გრძელვადიან ეკონომიკურ ღირებულებაზე დაფუძნებულ პარტნიორობას.
„ნავსადგურების, გზებისა და რკინიგზის მოდერნიზაციით, საბაჟო პროცედურების ჰარმონიზაციითა და სატრანსპორტო პროცესების გაციფრულებით ვამყარებთ საქართველოს პოზიციას, რომ ქვეყანამ სრულყოფილად უზრუნველყოს ევროპასა და აზიას შორის დამაკავშირებელი ჰაბის ფუნქცია" - აღნიშნა მარიამ ქვრივიშვილმა.
დღის ტოპ 10 სიახლე
სხვა სიახლეები
საქართველო ხდება მსოფლიოში ერთ-ერთი პირველი ქვეყანა, რომელიც მედიკამენტ ჯივინოსტატს შეიძენს და სახელმწიფო პროგრამაში დანერგავს - ბექა მიქაუტაძე
07.08.2026.17:07
ხელისუფლებამ დიუშენის კუნთოვანი დისტროფიის სამკურნალო თანამედროვე მედიკამენტის საქართველოში შემოტანისა და პაციენტებისთვის ხელმისაწვდომობის მიმართულებით უპრეცედენტო გადაწყვეტილება მიიღო.
აღნიშნულის თაობაზე საკრებულოს სხდომაზე განცხადება ჯანმრთელობის დაცვისა და სოციალურ საკითხთა კომისიის თავმჯდომარემ გააკეთა.
როგორც ბექა მიქაუტაძემ აღნიშნა, საქართველომ იტალიურ ფარმაცევტულ კომპანია „იტალფარმაკოსთან“ დიუშენის კუნთოვანი დისტროფიის სამკურნალო ინოვაციური პრეპარატის, „ჯივინოსტატის“, შეძენის შესახებ ოფიციალური ხელშეკრულება გააფორმა. შედეგად საქართველო მსოფლიოში ერთ-ერთი პირველი ქვეყანა იქნება, რომელიც ამ მედიკამენტს შეიძენს, ქვეყანაში შემოიტანს და დაავადების მართვის სახელმწიფო პროგრამაში ჩართავს.
„ეს განსაკუთრებით მნიშვნელოვანი სიახლეა დიუშენის კუნთოვანი დისტროფიის მქონე პაციენტებისა და მათი ოჯახებისთვის, რადგან პრეპარატი დაავადების პროგრესირების შენელებაზე მოქმედი ინოვაციური თერაპიაა და მისი სახელმწიფო პროგრამაში ჩართვა თანამედროვე მკურნალობაზე ხელმისაწვდომობას მნიშვნელოვნად გააუმჯობესებს, - განაცხადა ბექა მიქაუტაძემ.
ინფორმაციას თბილისის საკრებულო ავრცელებს.
,,თბილსერვის ჯგუფის“ ორგანიზებით, თბილისის ზღვის მიმდებარე ტერიტორიაზე დასუფთავების აქცია გაიმართა
07.08.2026.15:42
მებაჟე ოფიცრებმა დიდი ოდენობით არადეკლარირებული ოქროს საიუველირო ნაკეთობების შემოტანის ფაქტები აღკვეთეს
07.08.2026.15:22
ბოლო 7 თვის მონაცემებით, საგადასახადო მონიტორინგის თანამშრომლებმა უაქციზო თამბაქოს ნაწარმის მართლსაწინააღმდეგო შენახვა-რეალიზაციის 326 ფაქტი გამოავლინეს
07.08.2026.10:56
ფინანსთა სამინისტროს შემოსავლების სამსახურის სგპ „სარფის" მებაჟე ოფიცრებმა სანქცირებული საქონლის გადაზიდვის ფაქტი გამოავლინეს
07.08.2026.09:08
ჯივიპი რუსთაველის გამზირზე წყალმომარაგების ქსელების სარეაბილიტაციო არეალში მომხდარი ინციდენტის შესახებ განცხადებას ავრცელებს
06.08.2026.16:43
