სს ,,საქართველოს ენერგეტიკის განვითარების ფონდსა” და მწვანე კლიმატის ფონდს შორის ხელშეკრულება გაფორმდა
სს ,,საქართველოს ენერგეტიკის განვითარების ფონდსა” და მწვანე კლიმატის ფონდს შორის ხელშეკრულება გაფორმდა.
სს ,,საქართველოს ენერგეტიკის განვითარების ფონდს”, გაეროს მწვანე კლიმატის ფონდთან ჩარჩო ხელშეკრულების ხელმოწერის შედეგად, გაეროს კლიმატის ცვლილების ჩარჩო კონვენციის (UNFCCC) ფინანსური მექანიზმის პირდაპირი წვდომის აკრედიტირებული უწყების სტატუსი მიენიჭა. ხელმოწერა კორეის რესპუბლიკაში, მწვანე კლიმატის ფონდის სათაო ოფისში საქართველოს ენერგეტიკის განვითარების ფონდის დელეგაციის ვიზიტის ფარგლებში გაიმართა.
ფონდის დირექტორის ვლადიმერ ძნელაძის განცხადებით, ფონდს აღნიშნული აკრედიტაცია საშუალებას მისცემს, შედარებით მცირე მასშტაბის, დაახლოებით 10-50 მლნ აშშ დოლარის ოდენობის კლიმატის ცვლილებაზე ორიენტირებული პროექტები განახორციელოს, ასევე მოიზიდოს დამატებითი დაფინანსება და წვლილი შეიტანოს ქვეყნის დაბალემისიიანი განვითარების გაძლიერებაში.
ვლადიმერ ძნელაძემ ასევე შეხვედრები გამართა მწვანე კლიმატის ფონდის საინვესტიციო დეპარტამენტისა და რეგიონულ დირექტორებთან სამომავლო თანამშრომლობის სტრატეგიული პრიორიტეტების განსაზღვრის შესახებ. მან ხაზი გაუსვა მწვანე კლიმატის ფონდთან თანამშრომლობის სტრატეგიულ მნიშვნელობასა და ქვეყანაში კლიმატის მდგრადი განვითარების მხარდაჭერის აუცილებლობას.
ხელშეკრულების ხელმოწერის ცერემონიაში მონაწილეობდნენ სს ,,საქართველოს ენერგეტიკის განვითარების ფონდის” დირექტორი ვლადიმერ ძნელაძე; მწვანე კლიმატის ფონდის საინვესტიციო დეპარტამენტის დირექტორი აჩალა აბეისინგე, ამავე ფორდის აღმოსავლეთ ევროპის, ცენტრალური აზიისა და შუა აღმოსავლეთის რეგიონული დეპარტამენტის დირექტორი ტომას ერიქსონი და ეკონომიკისა და მდგრადი განვითარების სამინისტროს ენერგოეფექტურობისა და განახლებადი ენერგიის პოლიტიკისა და მდგრადი განვითარების დეპარტამენტის უფროსი მარგალიტა არაბიძე.
დღის ტოპ 10 სიახლე
სხვა სიახლეები
15 აგვისტოს დილამდე კახეთში, ქვემო ქართლში, თბილისსა და შემოგარენ ტერიტორიაზე მოსალოდნელია დროგამოშვებით ძლიერი ინტენსივობის ნალექი - გარემოს ეროვნული სააგენტო
15.08.2026.01:19
14 აგვისტოს გვიან საღამოდან 15 აგვისტოს დილამდე კახეთის და ქვემო ქართლის რეგიონებში, მათ შორის დედაქალაქში და შემოგარენ ტერიტორიაზე მოსალოდნელია დროგამოშვებით ძლიერი ინტენსივობის ნალექი, – ინფორმაციას გარემოს ეროვნული სააგენტო ავრცელებს.
სინოპტიკოსების პროგნოზით, შესაძლებელია ელჭექი, სეტყვა და ქარის გაძლიერება.
„მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გაქტიურება გამოიწვიოს (საფრთხის დონე საშუალო). დეტალური ინფორმაციისთვის მიყევით ბმულს“, - აღნიშნულია ინფორმაციაში.
17-24 აგვისტოს საგარეჯოს სატრანსპორტო კვანძი - თოხლიაურის სატრანსპორტო კვანძზე ავტოტრანსპორტის მოძრაობის გადართვა დაწესდება
14.08.2026.19:51
ქუთაისის აეროპორტის მებაჟე ოფიცრებმა დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს
14.08.2026.16:52
სახელმწიფო უსაფრთხოების სამსახურის უფროსი გეკა გელაძე ყირგიზეთის რესპუბლიკის შინაგან საქმეთა მინისტრ ულან ნიაზბეკოვს შეხვდა
14.08.2026.16:49
ცხინვალის რეგიონის მიმართულებით უკანონოდ დაკავებული საქართველოს მოქალაქე თავისუფალია
14.08.2026.16:46
ქვეშეთი-კობის პროექტის მთავარი ბენეფიციარი მოსახლეობაა - ეს გზა შენდება ჩვენი ქვეყნისა და ჩვენი მოქალაქეებისთვის l რევაზ სოხაძე
14.08.2026.16:14
