აჭარის პოპულარიზაცია 12 საერთაშორისო ტურისტულ გამოფენაზე განხორციელდა
აჭარის ტურიზმის დეპარტამენტმა რეგიონის ტურისტული პროდუქტები ბერლინის საერთაშორისო ტურისტულ გამოფენაზე ITB Berlin წარადგინა. უწყების მენეჯმენტმა, რეგიონის ცნობადობის გაზრდისა და ქვეყანაში ტურისტების მოზიდვის მიზნით, 50-მდე საქმიანი შეხვედრა გამართა სარეკლამო, ტურისტული კომპანიების, მსხვილი მედიაჰოლდინგების, ასოციაციებისა და ციფრული მარკეტინგული კომპანიების წარმომადგენლებთან. მათ შორის Bloomberg-ის, Euronews-ის, BBC-ის, Wanderlust-ის, The Culture Trip-ის, Nat Geo Traveller-ის, World Travel Cities Federation-ის მენეჯმენტთან, ასევე
UNESCO-ს, aeroTELEGRAPH GmbH-ის, Beautiful Destinations-ის, Die Zeit-ის, Bild. De-ისა და სხვებთან.
დეპარტამენტის მენეჯმენტმა საერთაშორისო ღონისძიებაშიც IMM Germany მიიღო მონაწილეობა, რომლის ფარგლებშიც შეხვედრები გერმანულენოვანი ქვეყნების ბეჭდური და ონლაინ მედიის წარმომადგენლებთან გამართა. ITB Berlin მსოფლიოში უმსხვილესი ტურისტული გამოფენაა, რომელშიც წელს 190 ქვეყანა იყო წარმოდგენილი. წელს, მას 100 ათასზე მეტი ვიზიტორი სტუმრობდა. გამოფენას აჭარის ტურიზმის დეპარტამენტის ხელმძღვანელი თინათინ ზოიძე, ტურიზმის ეროვნული ადმინისტრაციის ხელმძღვანელი მაია ომიაძე და გაეროს ტურიზმის ორგანიზაციის ხელმძღვანელი ზურაბ პოლოლიკაშვილი ესწრებოდნენ. წელს, აჭარის ტურისტული პროდუქტებისა და სერვისების პოზიციონირება ჯამში 12 საერთაშორისო ტურისტულ გამოფენაზე განხორციელდა, როგორც ევროპაში, ისე აზიასა და მეზობელ ქვეყნებში.
დღის ტოპ 10 სიახლე
სხვა სიახლეები
15 ივლისიდან თბილისსა და შანხაის შორის პირდაპირი რეგულარული ავიამიმოსვლა ამოქმედდება
14.07.2026.10:48
15 ივლისიდან თბილისსა და შანხაის შორის პირდაპირი რეგულარული ავიამიმოსვლა ამოქმედდება. China Eastern Airlines რეისებს კვირაში 3-ჯერ: ოთხშაბათს, პარასკევსა და კვირას შეასრულებს.
China Eastern Airlines მესამე ჩინური ავიაკომპანიაა, რომელიც საქართველოსა და ჩინეთს შორის პირდაპირ რეგულარულ რეისებს შეასრულებს.
ახალი მიმართულება ხელს შეუწყობს ტურიზმის, ბიზნესისა და სავაჭრო-ეკონომიკური კავშირების გაძლიერებას. უვიზო რეჟიმთან ერთად, ორ ქვეყანას შორის მგზავრობა კიდევ უფრო მარტივი გახდება.
ბილეთების შეძენა ავიაკომპანიის ოფიციალურ ვებგვერდზეა შესაძლებელი:
Wizz Air-ი ესპანეთში ორ ბაზას მადრიდსა და ვალენსიაში გახსნის | კომპანია შიდა ავიარეისებს 2026 წლის ოქტომბრის ბოლოდან შეასრულებს
11.07.2026.16:14
Turkish Airlines-ი ახლო აღმოსავლეთის მიმართულებების ქსელს აღადგენს - ყურის ქვეყნებში ფრენები განახლდება
07.07.2026.16:00
ბათუმი შავი ზღვის რეგიონში ბიზნესისა და ტურიზმის ახალ ცენტრად ყალიბდება - Business Insider Polska
07.07.2026.14:27
