კახეთში სასტუმრო „ბოდბე" გაიხსნა - ინვესტიცია 56 მლნ დოლარია
სასტუმრო „ბოდბე" მთლიანად ქართული ინვესტიციით ინვესტიციით აშენდა, რომლის მოცულობა 56 მლნ დოლარია და სასტუმროში დასაქმდება 200-მდე ადამიანი, რომელთა უმეტესობა ადგილობრივი მცხოვრებია, - ამის შესახებ საქართველოს პრემიერ-მინისტრმა ირაკლი კობახიძემ სიღნაღში, სასტუმრო „ბოდბეს" გახსნის ღონისძიებაზე სიტყვით გამოსვლისას განაცხადა.
მთავრობის მეთაურის შეფასებით, მაღალი კლასის სასტუმროების გახსნა ძალიან მნიშვნელოვანია სიღნაღისთვის, კახეთისთვის და საერთაშორისო დონეზე ქვეყნის პოპულარიზაციისთვის.
„დასაქმების ხელშეწყობა არის ერთ-ერთი მთავარი პრიორიტეტი და ასეთი პროექტები ამ კუთხითაც ძალიან მნიშვნელოვანია. სასტუმროში არის 132 ნომერი, კვების ობიექტები, საკონფერენციო და დასასვენებელი სივრცეები. ყველაფერი არის უმაღლესი ხარისხის. უმაღლესი კლასის სასტუმრო შეემატა ჩვენს ქვეყანას და რეგიონს.
მინდა, მადლობა გადავუხადო ფონდ „ქართუს" და „სმარტ კაპიტალს" ამ არაჩვეულებრივი პროექტის განხორციელებისთვის. ეს არ არის მარტო ბიზნესპროექტი, ეს არის პროექტი, რომელიც ზოგადად ქვეყნის განვითარებაზეა ორიენტირებული. მადლობა ყველა იმ ადამიანს, რომელიც იყო ჩართული ამ პროექტის განხორციელებაში. განსაკუთრებით მინდა გამოვყო ბატონი ვანო ჩხარტიშვილი და მადლობა გადავუხადო მას და მის ოჯახს ამ არაჩვეულებრივი პროექტის განხორციელებისთვის", - აღნიშნა პრემიერ-მინისტრმა.
სხვა სიახლეები
საქართველოს ტურიზმის ეროვნული ადმინისტრაციის პროექტი მზისკარი ევროპის კულტურული ტურიზმის ქსელის პრესტიჟული კონკურსის - ECTN Awards 2026-ის ფინალისტია
10.09.2026.18:05
საქართველოს ტურიზმის ეროვნული ადმინისტრაციის პროექტი Mziskari • მზისკარი ევროპის კულტურული ტურიზმის ქსელის პრესტიჟული კონკურსის - ECTN Awards 2026-ის ფინალისტია. ინფორმაციას ტურიზმის ეროვნული ადმინისტრაცია ავრცელებს.
კონკურსზე 23 ევროპული ქვეყნიდან 72 განაცხადი იყო წარმოდგენილი. „მზისკარი“ ნომინაციაში „შემოქმედებითი ტურიზმი და თანამონაწილეობით შექმნილი კულტურული ტურისტული გამოცდილებები“ (Creative Tourism and Co-Created Cultural Tourism Experiences) ევროპის ოთხ საუკეთესო პროექტს შორის მოხვდა.
„მზისკარის“ მხარდასაჭერად გადადით ბმულზე, აირჩიეთ კატეგორია „Creative Tourism and Co-Created Cultural Tourism Experiences“ და მიეცით ხმა პროექტს: https://culturaltourism.awardstage.com/#!/public-choice-voting
ECTN Awards 2026-ის გამარჯვებულები 24 სექტემბერს, საბერძნეთის კუნძულ სკიათოსზე გამოვლინდებიან.
ტურისტული ბაზრების დივერსიფიკაცია და ახალი პირდაპირი ფრენები - ტურიზმის ეროვნული ადმინისტრაცია აზიასა და ევროპაში მარკეტინგულ კამპანიებს აფართოებს
08.09.2026.14:28
მესამე კვარტალში ვიზიტორთა რაოდენობისა და შემოსავლების ზრდას ველოდებით - მაია ომიაძე
08.09.2026.13:28
