ნამდვილად ძალიან სასიხარულოა, რომ ჩვენი ქვეყნისთვის ტურიზმისა და ავიაციის ინდუსტრია ახალ, ისტორიულ მაქსიმუმებს აღწევს - მარიამ ქვრივიშვილი
ნამდვილად ძალიან სასიხარულოა, რომ ჩვენი ქვეყნისთვის ტურიზმისა და ავიაციის ინდუსტრია ახალ, ისტორიულ მაქსიმუმებს აღწევს, - ამის შესახებ ეკონომიკისა და მდგრადი განვითარების მინისტრის მოადგილე მარიამ ქვრივიშვილმა „შაბათის ქრონიკასთან“ ინტერვიუში განაცხადა.
მარიამ ქვრივიშვილმა ის სამი ძირითადი მიზეზი გამოყო, რის გამოც არის წარმატებები ორივე ინდუსტრიაში.
„პირველი, ეს გახლავთ ის, რომ ჩვენი გუნდისთვის, მმართველი გუნდისთვის ტურიზმის ინდუსტრია წარმოადგენს ერთ-ერთ უმნიშვნელოვანეს და უმთავრეს პრიორიტეტს. ჩვენი ქვეყნის ეკონომიკის ერთ-ერთ სექტორს. შესაბამისად, ძალიან ეფექტური სტრატეგია და ძალიან მიზნობრივი მარკეტინგული კამპანიები გვაქვს ჩვენი ქვეყნის პოპულარიზაციისთვის.
მეორე, ეს გახლავთ ის, რომ ჩვენ მუდმივად ვზრუნავთ პირდაპირი ფრენების უზრუნველყოფაზე და იმაზე, რომ ჩვენ ვაწარმოოთ მოლაპარაკებები და ჩვენი ქვეყნის საავიაციო და ტურისტულ ბაზარზე შემოვიყვანოთ ახალია ავიაკომპანიები.
მესამე, ჩვენ ძალიან მჭიდროდ ვთანამშრომლობთ კერძო სექტორთან და მათთან ერთად უზრუნველვყოფთ იმას, რომ საქართველო მუდმივად იყო პოპულარული, ტენდენციური ტურისტული მიმართულება საერთაშორისო არეალზე და სწორედ ამ სამი ძირითადი კომპონენტის სწორი და თანმიმდევრული მუშაობით გამომდინარეობს ის, რომ ჩვენი ქვეყნის ორივე ინდუსტრია ასეთი დიდი წარმატებით ვითარდება“, - აღნიშნა მან.
სხვა სიახლეები
Let's Visit Georgia – ნიდერლანდებში საქართველოს ტურისტულ პოტენციალს ეცნობიან
17.07.2026.11:20
საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მარკეტინგული კამპანიის ფარგლებში, მაღალრეიტინგულმა ნიდერლანდურმა ტელევიზიამ, RTL 4-მა, საქართველოს შესახებ ვრცელი გადაცემა „Let’s Visit Georgia“ მოამზადა.
კამპანია, რომელიც ნიდერლანდებში საქართველოს საელჩოსთან თანამშრომლობით ხორციელდება, ხელს შეუწყობს საერთაშორისო ტურისტულ ბაზარზე საქართველოს ცნობადობის ზრდას და ქვეყნის, როგორც მიმზიდველი ტურისტული მიმართულების, პოზიციონირების გაძლიერებას.
საქართველოს ტურისტული პოტენციალის შესახებ გადაცემა და 7 ვიდეორგოლი, RTL 4-თან ერთად, ნიდერლანდებში პოპულარული ონლაინპლატფორმა Videoland-ითა და სოციალური ქსელებით გავრცელდა. გადაცემის დამატებითი ჩვენების შემდეგ მას, ჯამურად, მილიონამდე მაყურებელი იხილავს.
ნიდერლანდური მედიის წარმომადგენლები საქართველოში ტურიზმის ეროვნული ადმინისტრაციის მედიატურის ფარგლებში იმყოფებოდნენ. გადაღებები თბილისში, სიღნაღში, ვაშლოვანის ეროვნულ პარკში, მცხეთასა და სტეფანწმინდაში მიმდინარეობდა.
გადაცემაში წარმოდგენილი იყო ქართული კულტურა, ღვინო, კერძები და ტურისტული ადგილები.
შანხაი ძალიან მნიშვნელოვანი და პრიორიტეტული მიმართულებაა, რადგანაც არის ფინანსური და ეკონომიკური ცენტრი - თამარ იოსელიანი
15.07.2026.18:28
15 ივლისიდან თბილისსა და შანხაის შორის პირდაპირი რეგულარული ავიამიმოსვლა ამოქმედდება
14.07.2026.10:48
