Amazon-ი Alexa-დან რამდენიმე ასეულ ადამიანს გაათავისუფლებს
Amazon-ი Alexa-დან სამსახურიდან რამდენიმე ასეულ ადამიანს გაათავისუფლებს
Amazon.com Inc ხარჯების ოპტიმიზაციის ფარგლებში Alexa-ში, რომელიც ხმოვანი ასისტენტის შემუშავებაზე მუშაობს, რამდენიმე ასეული თანამშრომლის გაათავისუფლებას გეგმავს. ამის შესახებ CNBC Amazon-ის ვიცე-პრეზიდენტის დანიელ რაუშის თანამშრომლებისთვის მიწერილი წერილის საფუძველზე გახდა ცნობილი.
„ჩვენი ზოგიერთი აქტივობის გადამისამართებას ისე ვაკეთებთ, რომ უკეთესად მოერგოს ბიზნესის პრიორიტეტებს, მათ შორის AI რესურსების და ძალისხმევის გენერაციულ მაქსიმიზაციას“, - ნათქვამია წერილში.
სამსახურიდან გათავისუფლება შეეხება განყოფილების თანამშრომლებს სხვადასხვა ქვეყანაში, მათ შორის შეერთებულ შტატებში, კანადასა და ინდოეთში.
ცოტა ხნის წინ Amazon-მა გაათავისუფლა 27 ათასზე მეტი თანამშრომელი ან შეამცირა არაერთი წამგებიანი ინიციატივა.
2023 წლის დასაწყისიდან კომპანიის კაპიტალიზაცია 71,5%-ით, 1,48 ტრილიონ დოლარამდე გაიზარდა.
სხვა სიახლეები
ავიაბილეთების დაჯავშნაში AI-ის გამოყენება მომხმარებელთა არჩევანზე უნდა იყოს დამოკიდებული - JetBlue-ს პრეზიდენტი
16.11.2026.19:00
ამერიკული ავიაკომპანია JetBlue Airways-ის პრეზიდენტის, განცხადებით, ავიაკომპანიებმა ხელოვნური ინტელექტის საშუალებით ავიაბილეთების დაჯავშნის საკითხში მომხმარებელთა მოთხოვნები უნდა გაითვალისწინონ.
მისი შეფასებით, მიუხედავად იმისა, რომ ხელოვნური ინტელექტის გამოყენებით ბილეთების დაჯავშნა გარკვეულ რისკებთან არის დაკავშირებული, ავიაკომპანიებმა მომხმარებლებს მათთვის სასურველი მომსახურების მიღების შესაძლებლობა უნდა მისცენ.
JetBlue-ს პრეზიდენტის განცხადება მოჰყვა United Airlines-ის გადაწყვეტილებას, მონაცემთა უსაფრთხოების მიზნით ხელოვნური ინტელექტის პროგრამებისთვის საკუთარ ციფრულ პლატფორმებზე წვდომა შეზღუდოს.
ამასთან, JetBlue-ს პრეზიდენტის შეფასებით, მსგავსი ტექნოლოგიების განვითარებამ შესაძლოა ავიაკომპანიებს დამატებითი ფინანსური ხარჯები შეუქმნას, თუ ბილეთების დაჯავშნის მომსახურების მიმწოდებლები მომავალში საკომისიოს დაწესებას გადაწყვეტენ.
მიუხედავად ამისა, JetBlue მიიჩნევს, რომ ავიაკომპანიებმა ტექნოლოგიური ცვლილებების მიმართ მოქნილობა უნდა შეინარჩუნონ და მომსახურება მომხმარებელთა მოთხოვნებს მოარგონ.