ქართული ღვინის წარდგენა აშშ-ში, ფესტივალზე „Food and Wine Classic Aspen 2025” გაიმართა
ღვინის ეროვნული სააგენტოს მხარდაჭერითა და სააგენტოს კონტრაქტორი ამერიკული მარკეტინგული კომპანიის „Colangelo & Partners” ორგანიზებით, ქართული ღვინის წარდგენა აშშ-ში, კოლორადოს შტატში, ქალაქ ასპენში ყოველწლიურ ფესტივალზე „Food and Wine Classic Aspen 2025” გაიმართა. ფესტივალზე წარმოდგენილი იყო სხვადასხვა დასახელების 200-მდე ალკოჰოლური სასმელი.
რიგით 42-ე ფესტივალის ათასობით სტუმარს, სამი დღის განმავლობაში, შესაძლებლობა მიეცა 20 სახეობის ქართული ღვინო დაეგემოვნებინა.
ფესტივალის ფარგლებში გაიმართა ქართული ღვინის პროფესიული სემინარი და დეგუსტაცია, რომელსაც კომერციული სექტორის წარმომადგენლები და მომხმარებლები ესწრებოდნენ. მსგავსი ტიპის ღონისძიებები მნიშვნელოვანია ქართული ღვინის პოპულარიზაციისა და შემდგომში მასზე მოთხოვნის ზრდისთვის.
აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანიასთან „Colangelo&Partners” თანამშრომლობით ახორციელებს. კამპანიის ფარგლებში, აშშ-ის სხვადასხვა ქალაქში, ღვინის პროფესიონალებისა და ღვინით ვაჭრობის სფეროს წარმომადგენლებისთვის დეგუსტაცია-სემინარები იმართება; ქართული ღვინო წარმოდგენილია საერთაშორისო გამოფენებზე; მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში, რაც ხელს უწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.
სხვა სიახლეები
J.P. Morgan-მა გამოცდილი ბანკირი მაიკლ ფლინი მცირე კაპიტალიზაციის კომპანიების საბანკო ბიზნესის ხელმძღვანელად დანიშნა
10.07.2026.19:00
JPMorgan Chase-მა დაიქირავა გამოცდილი ბანკირი მაიკლ ფლინი, რათა უხელმძღვანელოს ახლად შექმნილ საბანკო მიმართულებას.
ფლინი შეუერთდა კომპანიას მცირე კაპიტალიზაციის საინვესტიციო საბანკო მიმართულების ხელმძღვანელის პოზიციაზე. ეს ნაბიჯი აფართოებს ბანკის უკვე არსებულ საშუალო ზომის კომპანიებზე ორიენტირებულ ბიზნესს და მოიცავს კლიენტებს კომერციულ და სპეციალიზებულ სექტორებში, რომელთა საწარმოს ღირებულება დაახლოებით 100 მილიონიდან 500 მილიონ დოლარამდე მერყეობს.
ფლინი, რომელსაც საინვესტიციო საბანკო სფეროში, კორპორაციულ განვითარებასა და კერძო კაპიტალში მუშაობის 25 წელზე მეტი გამოცდილება აქვს, შეუერთდა JPMorgan-ს G2 Capital Advisors-დან, სადაც მმართველი დირექტორის პოზიცია ეკავა.
Mercedes-Benz-ის მეორე კვარტლის გაყიდვები შემცირდა, ჩინურ ბაზარზე კონკურენციის გაძლიერების ფონზე
10.07.2026.08:30
ხელოვნური ინტელექტისკენ მიმართული ინვესტიციების ზრდის ფონზე კომპანიები სამუშაო ადგილებს ამცირებენ - როგორია ტენდენცია
07.07.2026.11:00
Emirates-მა ახალი ლუქს-ლაუნჯის დიზაინი წარადგინა, რომლის ინვესტიცია თითოეულ აეროპორტში დაახლოებით $13.6 მილიონი იქნება
03.07.2026.19:00
