შოკოლადის ექსპორტიორი ქვეყნების TOP-10
2023 წლის იანვარ-სექტემბრის მონაცემებით შოკოლადის ექსპორტში მსოფლიო ლიდერად კვლავ გერმანია რჩება. 9 თვეში ქვეყანამ 3,84 მილიარდ დოლარის შოკოლადი გაყიდა.
საკონდიტრო მრეწველობის საწარმოების ასოციაციის მონაცემებზე დაყრდნობით, კაკაოს პროდუქტების მთავარი ექსპორტიორები წელს ევროკავშირის ქვეყნები იყვნენ.
სიას სათავეშია გერმანია, რომელმაც 2023 წელს 3,84 მილიარდი დოლარის ღირებულების შოკოლადის პროდუქცია გაიტანა ექსპორტზე, რაც 13%-ით მეტია გასულ წლის მონაცემებთან შედარებით. მეორე ადგილზე ბელგიაა, რომელმაც შოკოლადის ექსპორტი 1%-ით გაზარდა და ქვეყნის ფარგლებს გარეთ 1,77 მილიარდ დოლარამდე ღირებულების შოკოლადი გაიტანა. მესამე ადგილზე ნიდერლანდებმა პოლონეთი ჩაანაცვლა, რადგანაც ქვეყანამ ექსპორტი 18%-ით გაზარდა და 1,66 მილიარდ დოლარამდე ღირებულების შოკოლადის ექსპორტი განახორციელა. .
პოლონეთმა, რომელიც მიმდინარე რეიტინგში მეოთხე ადგილზე აღმოჩნდა შოკოლადის ექსპორტის მოცულობა წელიწადში 1,63 მილიარდ დოლარამდე,10%-ით გაზარდა. შემდეგ მოდის კანადა და იტალია შოკოლადის ექსპორტის 1,33 და 1,29 მილიარდი დოლარის მოცულობით. ამასთან, კანადელებმა ექსპორტი 2%-ით გაზარდეს, იტალიელებმა კი პირიქით, 7%-ით შეამცირეს.
გარდა ამისა, ტკბილეულის ექსპორტის ლიდერთა ათეულში მოხვდა ასევე მალაიზია - $1,12 მილიარდი (ზრდა 14%), აშშ - $995 მილიონი (კლება 13%), დიდი ბრიტანეთი - $652,5 მილიონი (ზრდა 0,12%) და შვეიცარია. – $643,1 მილიონი (ზრდა 16%).
დღის ტოპ 10 სიახლე
სხვა სიახლეები
კოლუმბიაში მომხდარმა მიწისძვრამ ქვეყნიდან ყავის ექსპორტი თითქმის სრულად შეაჩერა
12.08.2026.12:38
ძლიერი მიწისძვრის შემდეგ, კოლუმბიიდან ყავის ექსპორტი თითქმის შეჩერდა. ჩახერგილი და გადაკეტილი გზების გამო, მთავარი პორტი ბუენავენტურა სატრანსპორტო მარშრუტებს მოეჭრა.
Bloomberg-ი წერს, რომ წყნარი ოკეანის სანაპიროზე მდებარე ბუენავენტურა კოლუმბიის მთავარ პორტად რჩება საზღვარგარეთ ყავის გასაგზავნად. ახლა მასთან წვდომა მიწისძვრის შედეგების გამო შეზღუდულია. ყავის ექსპერტების ასოციაციის Asoexport-ის ხელმძღვანელის გუსტავო გომესის თქმით, კომპანიებს მხოლოდ ცალკეული გადაზიდვების ორგანიზება შეუძლიათ, თუმცა სრული მოძრაობის აღდგენის ვადები ჯერჯერობით უცნობია.
სიტუაცია შეეხო რეგიონებს, სადაც ახლა მოსავლის აღება მიმდინარეობს, მათ შორის არის კაუკა, ნარინიო, ვალიე-დელ-კაუკა და უილა. იქ წარმოებული ყავის დიდ ნაწილს, როგორც წესი, შემდგომი ექსპორტისთვის ბუენავენტურაში ეზიდებიან.
ქვეყნის სხვა მსხვილი პორტები - კარტახენა და სანტა-მარტა კარიბის სანაპიროზე სერიოზული შეფერხებების გარეშე აგრძელებენ მუშაობას, თუმცა დაზარალებული რეგიონებიდან ნაკადების იქ გადამისამართება სატვირთო ტრანსპორტის ნაკლებობის გამო რთულდება.
7,4 მაგნიტუდის სიმძლავრის მიწისძვრა კოლუმბიაში 10 აგვისტოს მოხდა. ბოლო მონაცემებით, შედეგად სულ მცირე 180 ადამიანი დაიღუპა.
ევროკომისიამ AliExpress-ი ციფრული სერვისების აქტის დარღვევისთვის €550 მილიონით დააჯარიმა
27.07.2026.08:50
ევროკავშირი ევროპული ბანკების მასშტაბის ზრდისა და აშშ-ის ბანკებთან კონკურენტუნარიანობის ასამაღლებლად ახალ ზომებს ამზადებს
20.07.2026.17:00
აშშ-ში ნავთობგადამამუშავებელი ქარხნების მარჟებმა რეკორდულ ნიშნულს მიაღწია საწვავის დეფიციტის მოლოდინის ფონზე
20.07.2026.08:20
ADB-ს სექტორებისა და თემატური მიმართულებების საკითხებში ახალი ვიცე-პრეზიდენტი ჰყავს
20.07.2026.08:10
