აჭარის დაბებსა და სოფლებში წყალმომარაგებისა და წყალარინების სისტემების მოსაწყობად საერთაშორისო ტენდერი გამოცხადდა

აჭარის დაბებსა და სოფლებში წყალმომარაგებისა და წყალარინების სისტემების მოსაწყობად საერთაშორისო ტენდერი გამოცხადდა.

საერთაშორისო ტენდერის ფარგლებში აჭარის 39 სოფელსა და დაბებში დაგეგმილია:

წყალმომარაგების რეზერვუარების მშენებლობა;

წყალმომარაგების მაგისტრალური და გამანაწილებელი ქსელის მშენებლობა;

წყალარინების ქსელის მშენებლობა;

წყალმომარაგების სათავე ნაგებობების მშენებლობა;

წყალარინების გამწმენდი ნაგებობების მშენებლობა;

მცირე და საშუალო ზომის სეპტიკური ავზების მშენებლობა;

წყლის სატუმბო სადგურების მშენებლობა;

საწყობების მშენებლობა;

ლაბორატორიების მოწყობა;

საერთაშორისო ტენდერი ორ კომპონენტს გულისხმობს, LOT-1 დაბების, ხოლო LOT-2 სოფლების ტერიტორიებს მოიცავს.

სარეაბილიტაციო სამუშაოებზე საერთაშორისო ტენდერი KfW სტანდარტების შესყიდვების თანახმად გამოცხადდა.

სამუშაოები FIDIC-ის რეგულაციების შესაბამისად განხორციელდება. საერთაშორისო ტენდერით დაინტერესებული კომპანიებისთვის, განაცხადების წარდგენის ბოლო ვადა - 30 მაისია.

საერთაშორისო ტენდერის შესახებ ოფიციალური ინფორმაციის მიღება შესაძლებელია ელ.ფოსტიდან: info@awa.ge

ინფორმაცია გამოცხადებული ტენდერების შესახებ, შეგიძლიათ იხილოთ ბმულზე:

https://bit.ly/40D3Hyq

https://bit.ly/40sHPGk

აჭარის დაბებსა და სოფლებში წყლის სისტემის განვითარების პროექტი KfW ბანკის და ევროკავშირის ფინანსური მხარდაჭერით ხორციელდება.

აჭარის 39 სოფელსა და დაბას, თანამედროვე სტანდარტების კომუნალური ინფრასტრუქტურა ექნება. ?პროექტის ბიუჯეტი 59.5 მილიონი ევროა.