2023 წლის 22 აპრილს, ყაზახური ნავთობის პირველი პარტია, რომელიც ტრანსპორტირებულია ბაქო-თბილისი-ჯეიჰანის (BTC) მილსადენით, თურქეთის პორტ ჯეიჰანიდან გაიგზავნა.
ამის შესახებ ნათქვამია სოკარის შვილობილი კომპანიის, შპს „სოკარ მიდსტრიმ ოპერაციების“ განცხადებაში.
ტანკერ Alatau-ზე 83,2 ათასი ტონა (665 ათასი ბარელი) ნავთობი დაიტვირთა, რომელიც წარმოებული იყო თენგიზის საბადოზე.
ჩატვირთვის ცერემონიას ესწრებოდნენ SOCAR-ის, KazMunayGas-ის, Tengizchevroil-ის, Kazmortransflot-ის და მათი შვილობილი კომპანიების დელეგაციები.
2023 წელს ყაზახეთის ეროვნული საზღვაო გადამზიდავი, Kazmortransflot-ი კასპიის ზღვაზე გადასატანად ორ ნავთობტანკერს შეიძენს, რაც კასპიის ფლოტს ხუთ გემამდე გაზრდის.
ეს მარშრუტი აზერბაიჯანის გავლით, რუსეთის გვერდის ავლით, ნავთობის მიწოდებისთვის გამოიყენება.
მთავარი ალტერნატიული მარშრუტი დღეისათვის ბაქო-თბილისი-ჯეიჰანის (BTC) მილსადენია, რომლითაც ყაზახური ნავთობი კასპიის ზღვის გავლით ტრანსპორტირდება.
წელს „ყაზმუნაიგაზი“ გეგმავს 1,5 მილიონი ტონა ნავთობის გაგზავნას თენგიზის საბადოდან BTC-ით; მარტში ყაზახეთმა 20 ათასი ტონა გაიტანა, აპრილში კი ნავთობის ტრანზიტი 125 ათას ტონამდე უნდა გაიზარდოს.
იგივე თემაზე:
ყაზახეთი, რუსეთის გვერდის ავლით, ნავთობის მიწოდებისთვის ფლოტს გაზრდის
უახლესი
13 საათის წინ
1 აშშ დოლარის ოფიციალური ღირებულება 2.6728 ლარი გახდა15 საათის წინ
„მარილამ“ საქპატენტში სავაჭრო ნიშანი დაარეგისტრირა
