„ბლუტაბლამ“ გორის შემდეგ, ახალი ფილიალი ქუთაისში სავაჭრო ცენტრი „ვესტ პოინტში“ გახსნა, სადაც სრულ ასორტიმენტთან ერთად, „იმერული სუფრაც“ იქნება წარმოდგენილი,- ამის შესახებ Business Insider Georgia-ს „ბლუტაბლას“ დირექტორმა გიორგი შენგელიამ განუცხადა.
„ზაფხულის სეზონზე ყაყაჩოებისა და იმერული ხაზი დავამატეთ. ამ დროისთვის „ბლუტაბლა“ სუფრას 15 სახეობის დიზაინით ამზადებს. ჩვენი ძირითადი მომხმარებლის 80% ადგილობრივი მოსახლეობაა, ხოლო პრიორიტეტია საცალო ბაზარი. გვაქვს კორპორაციული შეკვეთები, თითქმის ყველა მსხვილი კომპანია „ბლუტაბლას“ ნაწარმის მომხმარებელია.
ვგეგმავთ საექსპორტო ბაზრებზე გასვლას. ჩვენი პროდუქცია ონლაინაც იყიდება და ყველაზე დიდი მოთხოვნაა აშშ-სა და ევროპაში“, - ამბობს კომპანიის დირექტორი.
„ბლუტაბლა“ სუფრების გარდა აწარმოებს ჭურჭელსა და პირად აქსესუარებს, შარფებს. კომპანია ბაზარზე 2016 წლიდან ოპერირებს, დასაქმებულია 70 ადამიანი. საწარმო მდებარეობს თბილისში. ბრენდი საქართველოში 10 ფილიალით არის წარმოდგენილი.
უახლესი
23 საათის წინ
„ჭოტიაშვილის ღვინის სახლი“ უკვე თბილისშია
