ჩინეთმა საზღვაო ოპერაციებისთვის მსოფლიოში პირველი რობოტი ზვიგენი შექმნა

ჩინურმა კომპანია Shenyang Aerospace Xinguang Group-მა მსოფლიოში პირველი ინტელექტუალური რობოტული ვეშაპისებრი ზვიგენი შექმნა.

ახალი მოწყობილობა, სიგრძეში თითქმის ხუთი მეტრია და 350 კილოგრამს  იწონის. ის ზუსტად ასახავს ნამდვილი ვეშაპისებრი ზვიგენი მოძრაობებს.

ვარაუდობენ, რომ რობოტის გამოყენება შესაძლებელია საზღვაო ოპერაციებში და სამეცნიერო კვლევების ჩასატარებლად. ხელოვნურ ზვიგენს შეუძლია წამში 0,7 მეტრამდე აჩქარება და 20 მეტრის სიღრმეზე ჩაყვინთვა.

რობოტი ასევე აღჭურვილია ოპტიკური კამერებით, სენსორებით, ჰიდრო ლოკაციური ტექნოლოგიით და BeiDou-ს სისტემებით.