რა თქმა უნდა გაგრძელდება ყველა ეკონომიკური პროექტის განხორციელება, რა თქმა უნდა შემოვა ინვესტიციები, - ამის შესახებ დღეს საქართველოს პრემიერ-მინისტრმა ირაკლი კობახიძემ Business Insider Georgia-ს კითხვის საპასუხოდ განაცხადა.
Business Insider Georgia-მ პრემიერ-მინისტრს ჰკითხა, რომ პოლიტიკური მღელვარების ფონზე ინვესტორების მხრიდან ყოველთვის არის გარკვეული კითხვები. რამდენად აქტიურია საქართველოს მთავრობის კომუნიკაცია ინვესტორებთან იმ ფონზე, როდესაც მომავალ წელს უნდა განხორციელდეს ისეთი მსხვილი პროექტები, როგორიცაა მაგალითად ანაკლიის პროექტი. ხომ არ არის რისკი მსხვილ პროექტებთან დაკავშირებით განმეორდეს ისეთი „ქეისი“, როგორიც იყო ნამოხვანის ჰესის მშენებლობის ჩაშლა გარკვეული ორგანიზაციებისგან ინვესტორზე ზეწოლით?
პრემიერმა განაცხადა, რომ საქართველოს მთავრობას აქვს ამბიციური გეგმა მომდევნო ოთხი წლის განმავლობაში ინვესტიციების მოზიდვის თვალსაზრისით.
„ჩვენ გვაქვს ძალიან ამბიციური გეგმა ინვესტიციების მოზიდვის კუთხით შემდეგი ოთხი წლის განმავლობაში გვინდა, რომ 9 მილიარდი დოლარის ინვესტიციები მოვიზიდოთ ჩვენს ქვეყანაში. ბუნებრივია, ყოველდღიურ რეჟიმში გრძელდება კონსულტაციები პოტენციურ ინვესტორებთან. ჩვენ გვაქვს ძალიან კარგი მენეჯმენტი ეკონომიკის სამინისტროში. პირველ რიგში, გვყავს ძალიან ეფექტური მინისტრი და პირველი ვიცე-პრემიერი ლევან დავითაშვილი. ყოველდღიურ რეჟიმში სამინისტრო და მთავრობა განაგრძობს მუშაობას იმისთვის, რომ ახალი ინვესტიციები მოვიზიდოთ ქვეყანაში“, - აღნიშნა ირაკლი კობახიძემ.
უახლესი
17 წუთის წინ
ლარის კურსი დოლართან და ევროსთან გამყარდა59 წუთის წინ
რეკომენდაციები კიბერდამნაშავეებისგან თავის დასაცავად2 საათის წინ
Sairme Glamping-ი გაფართოებას გეგმავს