ქუთაისის საერთაშორისო უნივერსიტეტი უნიკალური ინვესტიციაა ჩვენი ქვეყნის მომავალში და ის ტალანტების მიზიდულობის ცენტრი გახდა - ავთანდილ კასრაძე

ქუთაისის საერთაშორისო უნივერსიტეტი უნიკალური ინვესტიციაა ჩვენი ქვეყნის მომავალში და შესაბამისად ის ქართული ტალანტის მიმართულებით ძალიან დიდი მიზიდულობის ცენტრი გახდა, - ამის შესახებ „იმედის დილაში“ რუბრიკა Business Insider Georgia-ში სტუმრობისას ​საქართველოსინოვაციებისა და ტექნოლოგიების სააგენტოს (GITA) თავმჯდომარემ ავთანდილ  კასრაძემ განაცხადა.
მისი თქმით, ხელოვნური ინტელექტის ცენტრთან მიმართებაში თანამშრომლობა სწორედ ქუთაისის საერთაშორისო უნივერსიტეტთან იგეგმება. 
„სწორედ საუკეთესო ქულებით ხვდებიან სტუდენტები ქუთაისის საერთაშორისო უნივერსიტეტში. შესაბამისად ჩვენ მათთან ხელოვნური ინტელექტის ცენტრთან მიმართებაში ვთანამშრომლობთ“, - აცხადებს კასრაძე.