რას ყიდის და რას ყიდულობს საქართველო თურქეთში - TOP-5 პროდუქტი

ეკონომიკა

16-05-2024 18:00:00

თურქეთიდან იმპორტი 8%-იან ზრდას, ხოლო ექსპორტი 7%-იან კლებას აჩვენებს.

2024 წლის იანვარ-მარტში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 68.1 პროცენტი შეადგინა.

ქვეყნის უმსხვილესი სავაჭრო პარტნიორი კი სწორად თურქეთია. სტატისტიკის მიხედვით, საქართველოდან განხორციელებული ექსპორტის 7.3%-ი, ხოლო იმპორტი 18.5% თურქეთზე მოდის.

საქსტატის ინფორმაციით, 2024 წლის პირველ კვარტალში თურქეთიდან საქართველოში 624,579.07 ათასი დოლარის ღირებულების იმპორტი დაფიქსირდა, 2023 წლის ანალოგიურ პერიოდში კი 578,908.50 ათასი დოლარის.

TOP-5 პროდუქტი, რასაც საქართველო თურქეთიდან ყიდულობს:

სამკურნალო საშუალებები დაფასოებული - 55,361.02 ათასი დოლარი,
მეტალოკონსტრუქციები შავი ლითონებისაგან და მათი ნაწილები - 16,948.89 ათასი დოლარი,
ზედაპირულად აქტიური ორგანული ნივთიერებები; სარეცხი და საწმენდი საშუალებები - 13,048.68 ათასი დოლარი,
მილები, მილაკები და ღრუ პროფილები, სხვა, შავი ლითონებისაგან - 12,967.37 ათასი დოლარი,
მავთულები იზოლირებული, კაბელები - 11,423.23 ათასი დოლარი.

2024 წლის პირველ კვარტალში საქართველომ თურქეთში 97,170.71 ათასი დოლარის პროდუქცია გაგზავნა, 2023 წლის ანალოგიურ პერიოდში კი 104,885.55 ათასი დოლარის.

TOP-5 პროდუქტი, რასაც საქართველო თურქეთში ყიდის:

ფეროშენადნობები - 24,929.41 ათასი დოლარი,
მაისურები, თბილი კვართები და სხვა ტრიკოტაჟის ნაწარმი, მანქანით ან ხელით ნაქსოვი - 21,425.40 ათასი დოლარი,
კოსტუმები, კომპლექტები, ტრიკოტაჟისა, ნაქსოვი, მამაკაცისა ან ბიჭისა - 9,366.57 ათასი დოლარი,
რეზინის პნევმატური სალტეები და საბურავები, ახალი - 5,181.35 ათასი დოლარი,
ნარჩენები და ჯართი ალუმინისა - 3,289.06 ათასი დოლარი.

თურქეთი