რუსეთიდან ფულადი გზავნილების მოცულობა ივლისში 26,6%–ით შემცირდა

2023 წლის ივლისში ქვეყანაში შემოსული ფულადი გზავნილების ნაკადების მოცულობამ 301.1 მლნ აშშ დოლარი (782.0 მლნ ლარი) შეადგინა, რაც 1.6%-ით (5.0 მლნ აშშ დოლარით) ნაკლებია 2022 წლის ივლისის ანალოგიურ მაჩვენებელზე.

იანვარ-ივლისის მონაცემებით, საქართველოში ჯამში 2.6 მლრდ დოლარის გადმორიცხვა მოხდა, რაც რეკორდული მაჩვენებელია.

ფულადი გზავნილების ყველაზე დიდი მოცულობა  კვლავ რუსეთიდან განხორციელდა.  ამ ქვეყნიდან ივლისში 73.8 მლნ დოლარი გადმოირიცხა. მეორეა  იტალია - $45.3 მლნ, მესამეზე აშშ -  $40 მლნ გზავნილით.  ხუთეულშია  საბერძნეთი ($21.6 მლნ) და გერმანია - $ 20.5 მლნ.