საქართველო პასპორტის ინდექსში დაწინაურდა

Global Passport Ranking-ში ქართული პასპორტის რეიტინგი 6 პოზიციით გაუმჯობესდა. Global Passport Ranking, რომელსაც Henley & Partners-ი ადგენს, საქართველო 2024 წლის მიმდინარე მაჩვენებლებით 44-ე ადგილზეა და მის მოქალაქეებს უვიზოდ შესვა 122 ქვეყანაში შეუძლიათ. გასული წლის ანალოგიური პერიოდის რეიტინგში კი საქართველოს პასპორტი 50-ე ადგილზე იყო და იმ დროისათვის საქართველოს მოქალაქეებს უვიზოდ შესვლა 116 ქვეყანაში შეეძლოთ. 

Global Passport Ranking-ში პირველ ადგილზე სინგაპურის პასპორტია, რომლის მოქალაქეებსაც უვიზოდ მოგზაურობა 195 ქვეყანაში შეუძლიათ. მეორე ადგილს 5 ქვეყანა ინაწილებს, რომელთა მოქალაქეებსაც უვიზოდ გადაადგილება 192 ქვეყანაში შეუძლიათ. ეს ხუთი ქვეყანა კი არის საფრანგეთი, გერმანია, იტალია, იაპონია, ესპანეთი.

ყველაზე ძლიერი პასპორტის მქონე ქვეყნების ჩამონათვალში მესამე პოზიციაზე 7 ქვეყანაა: ავსტრია, ფინეთი, ირლანდია, ლუქსემბურგი, ნიდერლანდები, სამხრეთ კორეა და შვედეთი. ამ ქვეყნების მოქალაქეებს უვიზოდ შესვლა მსოფლიოს 191 ქვეყანაში შეუძლიათ.

მეოთხე პოზიციაზე 6 ქვეყანაა: ბელგია, დანია, ახალი ზელანდია, ნორვეგია, შვეიცარია დიდი ბრიტანეთი. აქ ქვეყნების მოქალაქეები უვიზოდ 190 ქვეყანაში შედიან.

TOP-5-ში ბოლო პოზიციაზე ავსტრალია და პორტუგალია არიან, რომელთა პასპორტის მქონე მოქალაქეებს უვიზოდ გადაადგილება 189 ქვეყანაში შეუძლიათ. 

აღანიშნავია, რომ Henley & Partners-ი პასპორტების ინდექსს 2018 წლიდან ყოველ კვარტალში აახლებს და მისი მიზანი უვიზოდ ქვეყნებში გადაადგილების შესაძლებლობაზე ინფორმირებაა.