აეროპორტში მუშაობით დაინტერესებულ პირებს თბილისისა და ბათუმის საერთაშორისო აეროპორტების მმართველი კომპანია „ტავ ჯორჯია“, 24 თებერვალს, დასაქმების ფორუმზე - ღია კარის დღეზე იწვევს.
ინფორმაციას „ტავ-ჯორჯია“ ავრცელებს.
„ღია კარის დღე, 10:00-18:00 საათამდე, თბილისის საერთაშორისო აეროპორტის გამგზავრების დარბაზში გაიმართება.
დაინტერესებულ პირებს საშუალება ექნებათ, ამომწურავი ინფორმაცია მიიღონ თბილისისა და ბათუმის საერთაშორისო აეროპორტებში არსებული ვაკანსიების შესახებ და დეტალურად გაეცნონ თავიანთ ფუნქცია-მოვალეობებს ამა თუ იმ პოზიციაზე დასაქმების შემთხვევაში“, - ნათქვამია გავრცელებულ ინფორმაციაში.
„ტავ ჯორჯია“ ერთ-ერთი უმსხვილესი დამსაქმებელია საქართველოში, რომელსაც თბილისისა და ბათუმის საერთაშორისო აეროპორტებში 1 500-მდე თანამშრომელი ჰყავს დასაქმებული.
უახლესი
