დამატებულია კალათაში მარაგში არ არი საკმარისი რაოდენობა დამატებულია სურვილების სიაში უკვე დამატებულია სურვილების სიაში
წამლის ხარისხის ლაბორატორია 10 მარტამდე გაიხსნება

წამლის ხარისხის ლაბორატორია 10 მარტამდე გაიხსნება

2023-02-17 20:40:32

წამლის ხარისხის ლაბორატორია 10 მარტამდე გაიხსნება. ამის შესახებ ჯანდაცვის მინისტრმა ზურაბ აზარაშვილმა პარლამენტის ჯანდაცვის კომიტეტზე გამოსვლისას განაცხადა. მისი თქმით, ლაბორატორია უკვე აღიჭურვა და დაკომპლექტდა კადრებით.

მისივე განცხადებით, სახელმწიფოსთვის ახლა საკმაოდ პრობლემურია მედიკამენტების შემოწმება და სამინისტროს უწევს ნიმუშების ან უცხოეთში გაგზავნა, ან სამხარაულის ბიუროში გადაგზავნა.

წამლის ლაბორატორიის გახსნა კი საშუალებას შექმნის, როგორც იმპორტირებული, ისე ადგილობრივი წარმოების წამლები ადგილზე, შერჩევის პრინციპით შემოწმდეს.

წამლის ეროვნული ლაბორატორიის შექმნის შესახებ საუბრები წლებია მიმდინარეობს.

ექსპერტების თქმით, ქვეყანაში ფარმაცევტული ბაზრის კონტროლი და მედიკამენტების ხარისხის უზრუნველყოფა ასეთი ლაბორატორიის გარეშე შეუძლებელია.

jandacva.ge

ავტორი:

ნინო ნატროშვილი
ავტორის ყველა სიახლე

უახლესი

მოსაზრება


მსგავსი სიახლეები