განათლებისა და მეცნიერების მინისტრმა გიორგი ამილახვარმა პროფესიული განათლების განვითარების ახალი ხედვის პრეზენტაციისას განაცხადა, რომ პროფესიული განათლების ყველა პროგრამა და კვალიფიკაცია მომდევნო 2 წლის განმავლობაში განახლდება, ხოლო 2025 წლიდან კი პროფესიული განათლების დაფინანსების ახალ მოდელზე გადასვლა იგეგმება.
„ორი წლის განმავლობაში, ყველა პროგრამა და კვალიფიკაცია, რომელიც დღეს ჩვენს პროფესიულ განათლების სექტორშია, იქნება განახლებული, გადახედილი. ორი წლის განმავლობაში, დაახლოებით 20 ახალი კვალიფიკაცია შეიქმნება, თანამედროვე, საერთაშორისო სტანდარტების შესაბამისად. შემდეგ წელს 30, მერე 55 და ბოლოს 40. ორ წელიწადში დავასრულებთ ამ პროცესს და მივიღებთ ახალი კვალიფიკაციების პროგრამებს. განახლებული კვალიფიკაციების ფარგლებში უნდა განვაახლოთ პრიორიტეტებიც.
პრიორიტეტებს, რა თქმა უნდა, განვაახლებთ შრომის ბაზრის პრიორიტეტების საფუძველზე. ეკონომიკური განვითარების ტენდენციების საფუძველზე და რაც ყველაზე მნიშვნელოვანია, ჩვენ 2 წლის შემდეგ, 2025 წლიდან გვინდა გადავიდეთ დაფინანსების ახალ მოდელზე, რომელიც იქნება ხარჯთეფექტური და ეს იქნება მიღწევებზე დაფუძნებული დაფინანსება“,- განაცხადა ამილახვარმა.
იგივე თემაზე:
უახლესი
7 საათის წინ
თურქული ელექტრომობილი Togg ევროპულ ბაზარზე შედის8 საათის წინ
რამ განაპირობა სესხების ტემპის ზრდა
