„ეზობანა“  საბავშვო წვეულებების სივრცეა, რომელიც ორი წელია რაც ბაზარზე ოპერირებს. მეტი ინფორმაციისთვის, Business Insider Georgia კომპანიის დამფუძნებელს ანა გოგიაშვილს ესაუბრა.

„ეზობანა“ არის საბავშვო წვეულებების სივრცე, რომელიც უკვე მეორე წელია ფუნქციონირებს.

ჩვენს სივრცეში შესაძლებელია დაბადების დღის აღნიშვნა.

გარდა ამისა, გვაქვს სერვისი რომელიც გულისხმობს ნებისმიერ სხვა ლოკაციაზე წვეულების დაორგანიზებას და ჩატარებას.

ვთანამშრომლობთ სხვადასხვა სკოლებთან და საბავშვო ბაღებთან, ვაწყობთ სპეციალურ გასართობ პროგრამებს და ვორქშოპებს. ამ ეტაპზე, შემოდგომის სეზონისთვის, გვაქვს ჩურჩხელის ამოვლების ვორქშოპი, ასევე ჯინჯერის ნამცხვრების მოხატვისა და სხვადასხვა ხელნაკეთი ნივთების მასტერკლასები “, - ამბობს კომპანიის დამფუძნებელი. 

გასული წლის მონაცემებთან შედარებით, კომპანიის მიმართ მოთხოვნა ხუთჯერ არის გაზრდილი.

„მოგეხსენებათ, ჩვენი სივრცე გასულ წელს გაიხსნა და თავდაპირველად პატარა სტარტაპი ვიყავით. წლევანდელ სეზონზე, დაბადების დღეებზე მოთხოვნა წინა წელთან შედარებით დაახლოებით ხუთჯერ გაიზარდა. გარდა ამისა, ვიღებთ კორპორატიულ შეკვეთებსაც, როდესაც კომპანიებს სჭირდებათ საბავშვო ღონისძიებების ორგანიზება, იქნება ეს პირველი ივნისი თუ სხვა თარიღი. ჩვენთან ხელმისაწვდომია ყველა საჭირო სერვისი: კვება, გართობა და ყველაფერი ის, რაც სრულფასოვან წვეულებასა და დაბადების დღეს სჭირდება “, - აღნიშნავს ანა გოგიაშვილი.

„ეზობანას“ სხვადასხვა კონკურენტული უპირატესობა გააჩნია. ყველაზე მთავარი კი პოზიტიური გარემო და ის დადებითი განწყობაა, რომელიც სტუმარს ადგილზე ხვდება.

„ეზობანას“ ყველაზე დიდი უპირატესობა არის ის პოზიტიური გარემო და განწყობა, რომელიც ადგილზე მოსულ სტუმარს ხვდება. ჩვენი მიზანია, რომ ყველა სტუმარმა ჩვენი სივრცე ბედნიერმა დატოვოს.

გარემო მრავალფეროვანია : ტყის ხედები, ჰამაკები და მოსახერხებელი სივრცე, რომელიც ბავშვებსაც ძალიან უყვართ და მშობლებსაც. ამას ემატება გამორჩეული სერვისი : საინტერესო პროგრამები, ენერგიული წამყვანი და ატმოსფერო, სადაც ბავშვებიც და მშობლებიც ერთნაირად ბედნიერები არიან “, - აცხადებს ანა გოგიაშვილი.

კომპანია სამომავლოდ გაფართოებას და დახურული სივრცის დამატებას გეგმავს.

„ჩვენი სივრცე ამჟამად ღიაა და სეზონურად ფუნქციონირებს. ვგეგმავთ დახურული სივრცის დამატებას, რომელიც წლის ნებისმიერ დროს იქნება აქტიური და შესაძლებელი იქნება სხვადასხვა საინტერესო აქტივობების ჩატარება, როგორიცაა ვორქშოპები და სხვა ღონისძიებები. ჩვენი ეზო ნახევრად ტყის ტერიტორიაზეა, ნახევრად კი ქვაფენილით მოპირკეთებული და დეკორაციებით გაფორმებული “, - განმარტავს კომპანიის დამფუძნებელი.

ცნობისთვის, სივრცე ქალაქ თბილისში, შეყლაშვილის 15 ნომერში მდებარეობს.