გემო ფესტმა და მისმა გუნდმა დამარწმუნა, რომ მე შემეძლო ამის გაკეთება და მართლაც შევძელი - ქოზი'219 განვითარების გეგმებზე
სამცხე-ჯავახეთის გემო ფესტის მონაწილე იყო „ქოზი'219“, რომელიც არის ახალი სტარტაპი და სურს, რომ ავთენტური კერძებით თავი ყველას დაამახსოვროს. როგორც „ქოზი'219“-ის წარმომადგენელი თედორე სამსონიძე ამბობს, სწორედ „გემო ფესტმა“ მისცა საკუთარი შესაძლებლობების ფართოდ გამოვლენის შესაძლებლობა.
„მე ბაკურიანში პატარა საოჯახო სასტუმროს მფლობელი ვარ და, გარდა ამისა, მინდოდა მქონოდა ჩემი კერძები, რაც ავთენტური იქნებოდა. ამიტომ დავიწყე რეცეპტების მოძიება. თუმცა გეტყვით, რომ სახლში, ოჯახში აღმომაჩნდა მარგალიტი, რითაც სამცხე-ჯავახეთში გამართულ გემო ფესტზე წარვდექი. ეს არის ბებოსეული რეცეპტით მომზადებული ტოლმა. ბებომ მიაგნო ისეთ უნიკალურ გემოს, რომელიც ჩემს ტოლმას უკვე უნიკალურს ქმნის. არსად არ დამიგემოვნებია ასეთი გემოს ტოლმა. აქამდე არ მყოფნიდა გამბედაობა, რომ ასე თამამად წარმედგინა ჩემი კერძები. გემო ფესტზე წარვადგინე ის კერძი, რომელიც მიმაჩნია, რომ ყველაზე კარგია.
გემო ფესტში მონაწილეობით ჩემი მიზანი იყო, რომ ნამდვილად კარგი რეცეპტი მქონდა და ამიერიდან ჩემს სტუმრებს უკვე თამამად ვეტყვი, რომ „იცით რა? ეს რეცეპტი უკვე წარდგენილი მქონდა გემო ფესტზე.“ გემო ფესტი უკვე მაღალი დონეა. ძალიან ვნანობ, რომ უფრო მეტი ულუფა არ მქონდა წამოღებული, იმიტომ რომ აქტიურად მოდიან, სინჯავენ და შემდგომ უკვე მეგობრებიც მოჰყავთ. რატომღაც ძალიან აქტუალურია საოჯახო, სახლური გემოები.
გემო ფესტმა და მისმა გუნდმა მართლა მომცა იმის შესაძლებლობა და დამარწმუნეს, რომ მე შემეძლო ამის გაკეთება და მართლაც შევძელი,“ – ამბობს თედორე სამსონიძე.
თედორე სამსონიძე, რომელიც ბაკურიანში მდებარე საოჯახო სასტუმრო „ქოზი ინის“ მფლობელია, სამომავლოდ საკუთარი გასტრონომიული შესაძლებლობების უკეთ წარმოჩენისთვის ამ მიმართულებით განვითარებასაც გეგმავს. თუმცა მანამდე ოჯახმა სასტუმროს გაფართოება შეძლო.
„ჩვენთვის ყველა სტუმარი არის ბედნიერება, რადგანაც თითოეული სტუმარი ჩვენთვის არის შემოსავალი. აქტიურად გვყავს ქართველი და ასევე უცხოელი სტუმრები. თავიდან გვქონდა 2 აპარტამენტი და შევძელით, რომ ავაშენეთ დამატებითი აპარტამენტები – გავფართოვდით. ნამდვილად არ გვაქვს სტაგნაცია და უკუსვლა. ჩვენც ძალიან ბევრს ვცდილობთ.
სტუმრებს განთავსების გარდა ვთავაზობთ სხვადასხვა ტურებს ქვეყნის შიგნით. ჩემი მიზანია, უცხოელ სტუმარს გავაცნო საქართველო და მისი გასტრონომია,“ – ამბობს თედორე სამსონიძე.
დღის ტოპ 10 სიახლე
სხვა სიახლეები
„ჭოტიაშვილის ღვინის სახლი“ საექსპორტო ბაზრების გაფართოებას გეგმავს
11.09.2025.18:00
ვმუშაობთ ჩვეულ რიტმში და ვემზადებით მოსავლის აღებისთვის. ჩვენთან რთველი სექტემბრის შუა რიცხვებიდან დაიწყება. ამის შესახებ, Business Insider Georgia - ს ჭოტიაშვილის ღვინის სახლის თანადამფუძნებელმა კახა ჭოტიაშვილმა განუცხადა.
„ჩვეულ რიტმში ვმუშაობთ. ვემზადებით მოსავლის აღებისთვის. სექტემბრის შუა რიცხვებისთვის დაიწყება ჩვენთან რთველი “, - ამბობს კახა ჭოტიაშვილი.
კომპანიის პროდუქცია წარმოდგენილია სხვადასხვა ქვეყნის ღვინის ბარში და ასევე რესტორანში.
გარკვეული პერიოდის წინ ვიმყოფებოდით ამერიკის შეერთებულ შტატებში და ასევე შვეიცარიაში. შეიძლება ითქვას, რომ თითქმის ყველა ობიექტს, რესტორანს თუ ღვინის ბარს ვესტუმრეთ, სადაც ჩვენი ღვინო იყო წარმოდგენილი. ჩვენ არ ვართ დიდი წარმადობის საწარმო და სწორედ ამიტომ ჩვენი ღვინოები ჯერ კიდევ იშვიათადაა ხელმისაწვდომი მაღაზიებსა და რესტორნებში. მიუხედავად ამისა, ძალიან კმაყოფილები დავბრუნდით, რადგან ვიზიტი შედეგიანი აღმოჩნდა, მივიღეთ ახალი შეკვეთები.
უკვე არსებულ, ექსპორტზე გატანილ ღვინოებთან ერთად, რამდენიმე ახალი სახეობაც წარვადგინეთ, რომლებიც იქამდე ბაზარზე არ არსებობდა. დეგუსტაციების შედეგად ახალი შეკვეთებიც მივიღეთ. გარდა ამისა, რამდენიმე ახალ ობიექტშიც განთავსდა ჩვენი ღვინო.
დაინტერესება არ წყდება. ყოველდღიურად ვიღებთ შეკითხვებსა და გამოხმაურებებს არა მხოლოდ ბიზნეს პარტნიორებისგან, არამედ მომხმარებლებისგანაც, რაც ჩვენთვის განსაკუთრებით მნიშვნელოვანია. ბევრი მათგანი ქართულ ღვინოს, ტრადიციულ ტექნოლოგიასა და ჩვენი ქვეყნის ღვინის ისტორიას პირველად გაეცნო ჩვენგან, რამაც დიდი ინტერესი და აღფრთოვანება გამოიწვია “, - აღნიშნავს კომპანიის თანადამფუძნებელი.
„ჭოტიაშვილის ღვინის სახლი“ წარმოებაში 14 სახეობის ყურძენს იყენებს. წლიური წარმადობა დაახლოებით 50 000 ბოთლია.
„ჩვენ მხოლოდ საკუთარ ყურძენს ვიყენებთ. წარმოებაში ამჟამად 14 სახეობა გვაქვს, დანარჩენი კი უფრო ექსპერიმენტული ხაზის ნაწილია. წლიური წარმადობა საშუალოდ 50 000 ბოთლია, საიდანაც ძირითადი ნაწილი ექსპორტზე მიდის. ყველაზე დიდი წილი იაპონიასა და ამერიკაში იგზავნება, შემდეგ კი ევროკავშირის ქვეყნებში და უკრაინაში. აქ საუბარია მუდმივ ექსპორტზე, რადგან თუ ორ წელიწადში ერთხელ ხდება მიწოდება, ამას სრულფასოვან ექსპორტად აღარ მივიჩნევთ.
ასევე გაგვიგზავნია ღვინო ახალ ზელანდიასა და კორეაში მცირე პარტიებით და ასევე უფრო შორეულ ბაზრებზე. სიახლეა ისიც, რომ ვგეგმავთ საცდელი პარტიის გაგზავნას სამხრეთ ამერიკაში. პროცესი შედარებით ხანგრძლივია, რადგან იქ განსხვავებული სისტემა მოქმედებს, თუმცა ვცდილობთ ახალ წლამდე გავგზავნოთ შემდეგ კი ადგილზეც ჩავიდეთ. სამხრეთ ამერიკაში რთველი თებერვლის ბოლოს იწყება და ბევრი ღვინის ფესტივალი იმართება. მათაც საკმაოდ დიდი არჩევანი აქვთ, თუმცა ვფიქრობ, რომ ჩვენი ტრადიციული ტექნოლოგია მათ ყურადღებას მიიპყრობს. საცდელი ნიმუშები უკვე გავაგზავნეთ და პოზიტიური გამოხმაურებაც მივიღეთ “, - აცხადებს კახა ჭოტიაშვილი.
ცნობისთვის, კომპანია ქმნის ტრადიციულ მეღვინეობას. ყველაფერი მზადდება ხელით, ეტიკეტებზე წარწერებიც კი ხელით ივსება. ღვინის მაღაზია თბილისში, ფარნავაზ მეფის 22 ნომერში მდებარეობს
