პოლონეთის საკურორტო ქალაქ კარპაჩში მიმდინარე 34-ე ეკონომიკური ფორუმის მედია პარტნიორია Business Insider Georgia - ბიზნეს პორტალი, რომელიც ეკონომიკისა და ბიზნესის შესახებ საქართველოსა და მის ფარგლებს გარეთ მაღალი ხარისხის კონტენტს გთავაზობთ.

Business Insider Georgia აღნიშნული ეკონომიკური ფორუმის მედია პარტნიორია Euronews-თან, Business Insider Polska-სთან, Forbes-თან, Newsweek Polska-სთან, Bankier.pl-თან და სხვა ცნობილ გამოცემებთან ერთად.

აღსანიშნავია, რომ ბოლო პერიოდში Business Insider Georgia ქვეყანაში და მის ფარგლებს გარეთ ბევრი მნიშვნელოვანი ეკონომიკური ღონისძიების მედია პარტნიორად ჩამოყალიბდა და ის ინფორმირებული ეკონომიკური დიალოგის ხელშესაწყობად აქტიურად თანამშრომლობს საჯარო და კერძო სექტორთან.

კარპაჩი ეკონომიკურ ფორუმს 2–4 სექტემბრის განმავლობაში მასპინძლობს და ღონისძიებაში 60 ქვეყნიდან პოლიტიკური, ეკონომიკური და სოციალური ლიდერები იღებენ მონაწილეობას.

Business Insider Georgia მკითხველს, მაყურებელსა და მსმენელს სთავაზობს სრულყოფილ ანალიტიკურ/ეკონომიკურ ანალიზს სხვადასხვა პროდუქტების ფარგლებში: ანალიტიკური სტატიები, ბლოგები, ბაზრის ანალიზი, სიუჟეტები, სატელევიზიო გადაცემა/ანალიტიკა, პოდკასტი.

გამოცემა განსაკუთრებულ ყურადღებას უთმობს ექსკლუზიურ ინტერვიუებს, საერთაშორისო რეიტინგებსა და ადგილობრივ ავტორიტეტულ შეფასებებს, რითაც ქმნის ობიექტურ, ოპერატიულ რესურსს დაინტერესებული პირებისთვის.

Business Insider Georgia ეყრდნობა სანდო ადგილობრივ და საერთაშორისო წყაროებს და მისი მიზანია საზოგადოებისათვის დროული, სანდო და კომპეტენტური ინფორმაციის მიწოდება.

2022 წლიდან Business Insider Georgia საქართველოს ეკონომიკური ფორუმის მუდმივი მედია პარტნიორია, რომლის ფარგლებშიც იმართება რეგულარული მაღალი დონის დიალოგი სახელმწიფო, კერძო, ანალიტიკურ და აკადემიურ სექტორებს შორის.

დისკუსიებში ჩართული არიან თემატური ბიზნეს სექტორების ცალკეული კომპანიების ხელმძღვანელები, მფლობელები და პარტნიორები, აკადემიური და ანალიტიკური სექტორის ლიდერები.
საქართველოს ეკონომიკური ფორუმი უკვე ჩამოყალიბდა ქვეყანაში, როგორც ერთადერთი უმაღლესი რანგის პლატფორმა — სახელმწიფოს უმაღლესი რანგის წარმომადგენლების, ბიზნეს ლიდერების, აკადემიური და ანალიტიკური სექტორის ხელმძღვანელების მუდმივი ჩართულობით.

აღნიშნული თანამშრომლობის ფარგლებშიც Business Insider Georgia ქმნის ექსკლუზიურ კონტენტს მკითხველისთვის.