მთლიანი სესხების ლარიზაციის კოეფიციენტმა 57.61% შეადგინა - სებ
კომერციული ბანკების მიერ გაცემული სესხების მოცულობამ (ბანკთაშორისი სესხების გარდა), 2025 წლის ივლისის ბოლოსათვის 66.12 მილიარდი ლარი შეადგინა, რაც 122.33 მილიონი ლარით (0.18%-ით) ნაკლებია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე, 0.29%-ით მეტი). სესხების წლიურმა ზრდამ გაცვლითი კურსის ეფექტის გამორიცხვით 14.93% შეადგინა. ამავე პერიოდში, წინა თვესთან შედარებით ეროვნული ვალუტით გაცემული სესხების მოცულობა 388.70 მლნ ლარით (1.03%-ით) გაიზარდა, ხოლო უცხოური ვალუტით გაცემული სესხების მოცულობა 511.03 მლნ ლარით (1.79%-ით) შემცირდა (გაცვლითი კურსის ეფექტის გარეშე, შემცირდა 0.68%-ით).
რეზიდენტი იურიდიული პირებისათვის 2025 წლის ივლისის ბოლოს, კომერციულ ბანკებს ეროვნული ვალუტით გაცემული ჰქონდათ 10.79 მილიარდი ლარის (წინა თვესთან შედარებით 1.06% -ით ნაკლები), ხოლო უცხოური ვალუტით 18.81 მილიარდი ლარის (წინა თვესთან შედარებით 1.53%-ით ნაკლები) მოცულობის სესხი (გაცვლითი კურსის ეფექტის გარეშე, 0.44 %-ით ნაკლები).
2025 წლის ივლისის განმავლობაში 0.94% -ით, ანუ 318.69 მილიონი ლარით გაიზარდა
რეზიდენტი შინამეურნეობების სექტორის დაკრედიტების მოცულობა და ივლისის ბოლოსათვის 34.21 მილიარდი ლარი შეადგინა.
2025 წლის ივლისის ბოლოსათვის, მთლიანი სესხების ლარიზაციის კოეფიციენტმა 57.61% შეადგინა. წინა თვის ბოლო მდგომარეობასთან შედარებით, გაიზარდა 0.693 პროცენტული პუნქტით (გაცვლითი კურსის ეფექტის გამორიცხვით, გაიზარდა 0.42 პროცენტული პუნქტით).
დღის ტოპ 10 სიახლე
სხვა სიახლეები
საქართველოს საკრედიტო ბარათების ბაზარზე VISA ლიდერობს, Mastercard-ის წილი კი მცირდება
27.08.2025.19:00
მიმოქცევაში არსებული საგადახდო საკრედიტო ბარათების 39%-ი VISA-ს საკრედიტო ბარათებზე მოდის, ხოლო 13%-ი Mastercard-ზე. ივლისის სტატისტიკით ამ ბაზარზე AMEX-ის წილი 21%-ია.
ივლისის მდგომარეობით ქვეყანაში ქვეყანაში აქტიური საკრედიტო ბარათების რაოდენობამ 761 484 ერთეული შეადგინა.
სტატისტიკური მაჩვენებლების თანახმად, ივლისის ბოლოსთვის VISA-ს აქტიური საკრედიტო ბარათების რაოდენობა 299 481 ერთეულს შეადგენდა, AMEX-ის 156 935 ერთეულს, ხოლო Mastercard-ის 99 642 ერთეულს.
761 484 ერთეული საკრედიტო ბარათი სხვა საგადახდო სისტემების კუთვნილებაა.
თუ VISA-სა და Mastercard-ის ბაზრის წილს საკრედიტო ბარათების მიმართულებით მიმოვიხილავთ სახეზეა, რომ 2025 წლის ივლისში 2024 წლის ივლისთან შედარებით VISA-ს აქტიური საკრედიტო ბარათების რაოდენობა 19%-ითაა გაზრდილი, ხოლო Mastercard-ის 6%-ითა შემცირებული.
აღსანიშნავია ისიც, რომ ივლისში ივნისთან შედარებით მიმოქცევაში არსებული საკრედიტო ბარათების რაოდენობა თითქმის 1%-ითაა გაზრდილი, ხოლო 2024 წლის ივლისთან შედარებით 8%-იანი ზრდაა.
დეპოზიტების ლარიზაციის კოეფიციენტმა ივლისის ბოლოსათვის 50.33 პროცენტი შეადგინა - სებ
27.08.2025.17:00
კომერციული ბანკების მიერ გაცემული სესხების მოცულობამ 66.12 მილიარდი ლარი შეადგინა - სებ
27.08.2025.11:00
