ქუთაისის საერთაშორისო აეროპორტის საავიაციო უშიშროების და სააეროდრომო სპეცტექნიკა სრულად განახლდა
საქართველოს აეროპორტების გაერთიანება ქუთაისის საერთაშორისო აეროპორტში მგზავრთა და საჰაერო ხომალდების მომსახურების გაუმჯობესების მიზნით, მაღალ ტექნოლოგიებსა და თანამედროვე სერვისებზე ორიენტირებული მომსახურების დანერგვას განაგრძობს.
ქუთაისის საერთაშორისო აეროპორტი სრულად აღიჭურვა აეროპორტის ოპერირებისთვის საჭირო სპეციალური ტექნიკით. ტერმინალის გაფრენის წინა შემოწმების სივრცეში, მგზავრების საავიაციო უშიშროებაზე შემოწმებისთვის განკუთვნილი მეტალოდეტექტორები ჩანაცვლდა თანამედროვე ტექნოლოგიის სხეულის სკანირების საშუალებებით ე.წ. "Body scanner"-ებით. საქართველოს აეროპორტების გაერთიანებამ, ქუთაისის საერთაშორისო აეროპორტის პარალელურად, უსაფრთხოების შემოწმების ახალი სკანერები განათავსა თბილისის საერთაშორისო აეროპორტშიც.
სრულად განახლდა დავით აღმაშენებლის სახელობის საერთაშორისო აეროპორტის სააეროდრომო სპეცტექნიკა.
ქუთაისის საერთაშორისო აეროპორტისთვის აეროპორტების გაერთიანებამ შეიძინა:
1 ერთეული ახალი ამბულიფტი; 4 ერთეული ტრაპი; 4 ერთეული ბარგის ლენტური კონვეირი; 1 ერთეული საჰაერო ხომალდის გამწე, 2 ერთეული საჰაერო ხომალდის ძალური აგრეგატი; 3 ერთეული ბარგის გამწე ტრაქტორი; 1 ერთეული ასინიზაციის მანქანა; 1 ერთეული საჰაერო ხომალდის ჰაერით გამშვები აგრეგატი.
აეროპორტების გაერთიანებამ, არსებული საჰაერო ხომალდის მომსახურებისა და სააეროდრომო უზრუნველყოფის ავტოპარკის 17 ერთეული სპეცტექნიკის განახლებაში ჯამურად 3162392.00 ლარის ინვესტიცია განახორციელა.
დღის ტოპ 10 სიახლე
სხვა სიახლეები
La Quinta by Wyndham Batumi თბილისში გამართულ პარტნიორულ ნეთვორქინგში მონაწილეობდა
23.09.2025.13:01
La Quinta by Wyndham Batumi მონაწილეობდა თბილისში გამართულ პარტნიორულ ნეთვორქინგში, რომელშიც წარმოდგენილი იყვნენ საქართველოში მოქმედი Wyndham Hotels-ის ბრენდული სასტუმროები და GNARE-ს წამყვანი წევრები.
აღნიშნული შეხვედრის შესახებ ინფორმაცია La Quinta by Wyndham Batumi-ს სოციალურ ქსელში გამოქვეყნდა.
„გასულ კვირას, La Quinta by Wyndham Batumi მონაწილეობდა პარტნიორული ნეთვორქინგის საღამოში, რომელიც თბილისში გაიმართა.
ღონისძიებამ ერთ სივრცეში შეკრიბა საქართველოში წარმოდგენილი Wyndham Hotels-ის ბრენდული სასტუმროები და GNARE-ს წამყვანი წევრები. შეიქმნა უნიკალური პლატფორმა იდეების გასაცვლელად, ბაზრის ტენდენციების განსახილველად და თანამშრომლობის ახალი შესაძლებლობების მოსაძიებლად.
საღამოზე განსაკუთრებული ყურადღება დაეთმო რეგიონში პირველად გახსნილ ბრენდულ სასტუმრო La Quinta by Wyndham Batumi-ს, რომელიც უკვე აქტიურად სთავაზობს სტუმრებს საერთაშორისო სტანდარტების შესაბამის მომსახურებას, კომფორტსა და განსხვავებულ გამოცდილებას ბათუმში“, - აღნიშნულია La Quinta by Wyndham Batumi-ს მიერ გამოქვეყნებულ ინფორმაციაში.
My Georgian Village, რომელიც ჯგუფურ ტურებზეა ფოკუსირებული, სერვისების გაფართოებას გეგმავს
22.09.2025.12:00
ზაფხულის ტურისტული სეზონი ბათუმში – ibis Styles Batumi სექტემბრისთვისაც ოპტიმისტურ პროგნოზს აკეთებს
19.09.2025.10:00
ქუთაისის საერთაშორისო აეროპორტის საავიაციო უშიშროების და სააეროდრომო სპეცტექნიკა სრულად განახლდა
16.09.2025.22:42
ქუთაისის აეროპორტის განახლებული ინფრასტრუქტურა ხელს შეუწყობს ახალი ავიაკომპანიების შემოსვლას და პირდაპირი მიმართულებების ზრდას - მარიამ ქვრივიშვილი
16.09.2025.20:44
ქუთაისის საერთაშორისო აეროპორტის ახალი ასაფრენ-დასაფრენი ზოლის სამშენებლო სამუშაოები აქტიურ ფაზაშია
16.09.2025.19:13
ინდოეთში გამართული ღონისძიებების შემდეგ იმედი გვაქვს უფრო მეტი მოგზაური ჩამოვა საქართველოში - Georgian Travel Group
16.09.2025.17:15
ინდოეთში ტურიზმის ეროვნული ადმინისტრაციის კამპანია ძალიან მნიშვნელოვანია ტურისტული კომპანიებისთვის - Mayflower Georgia
16.09.2025.17:13
