დუბაიში უამინდობის ფონზე ავიარეისების დიდი ნაწილი გადაიდო, ან გაუქმდა და აეროპორტი შეფერხებით ფუნქციონირებს.
ქალაქში უჩვეულო წყალდიდობის გამო გაუქმდა 17 აპრილს დაგეგმილი დუბაი-თბილისის ორივე ავიარეისი, რომელიც არაბეთის გაერთიანებული საამიროების ავიაკომპანია flydubai-ს უნდა შეესრულებინა.
თბილისის საერთაშორისო აეროპორტის საიტზე განთავსებული ინფორმაციის მიხედვით, გაუქმდა როგორც დილის ასევე შუადღის რეისი. flydubai-ს თვითმფრინავი დუბაიდან თბილისის საერთაშორისო აეროპორტში 14:25 საათზე უნდა დაშვებულიყო.
ხოლო რაც შეეხება დილის რეისს, რომელიც ასევ უამინდობის გამო გაუქმდა, თბილისის საერთაშორისო აეროპორტში 04:45 საათზე უნდა შესრულებულიყო.
შეგახსენებთ, რომ გუშინ ძლიერმა წვიმამ დუბაიში წყალდიდობა გამოიწვია. წყლით დაიფარა დუბაის საერთაშორისო აეროპორტის ასაფრენ/დასაფრენი ბილიკები დაფარა.
