დისინფლაციის მიმდინარე პროცესიდან გამომდინარე ვფიქრობთ, რომ საქართველოს ეროვნული ბანკი მონეტარული პოლიტიკის განაკვეთს 50 საბაზისო პუნქტით შეამცირებს 2 აგვისტოს კომიტეტის სხდომაზე, - ამის შესახებ გალტ & თაგარტის 3-7 ივლისის მიმოხილვაშია ნათქვამი.
საქსტატის მონაცემებით, 2023 წლის ივნისში სამომხმარებლო ფასების წლიური ინფლაცია, მნიშვნელოვნად, 0.6%-მდე შენელდა, წინა თვის 1.5%-იანი დონიდან. აღნიშნული შემცირება ძირითადად შერეული (-6.8% წ/წ) და იმპორტირებული საქონლის (-5.9% წ/წ) ინფლაციის კლებამ განაპირობა. ამასთან, ადგილობრივი ინფლაციის ზრდის ტემპი განაგრძობს შენელებას (+8.5% წ/წ ივნისში, ხოლო +9.1% წ/წ მაისში). რაც შეეხება საბაზო ინფლაციას, რომელიც კალათიდან გამორიცხავს სურსათის, ენერგომატარებლების და თამბაქოს ფასებს, მცირედით გაიზარდა მაისში და 4.0% შეადგინა (+0.1პპ თ/თ).
2023 წლის ივნისში წლიური ინფლაციის ფორმირებაზე მნიშვნელოვანი გავლენა იქონია ფასების ცვლილებამ შემდეგ ჯგუფებში:
ამასთან, 2023 წლის ივნისში წინა თვესთან შედარებით ადგილი ჰქონდა 0.7%-იან დეფლაციას, რაზეც მნიშვნელოვანი გავლენა იქონია ფასების შემცირებამ სურსათი და უალკოჰოლო სასმელების (-3.2%, -1.08პპ) კატეგორიაში.
