იტალიის კონკურენციის უწყებამ ტაქსების სექტორში მოკვლევა დაიწყო

იტალიის კონკურენციის უწყებამ ტაქსის სექტორში რომში, მილანსა და ნეაპოლში აუდიტის განხორციელება დაიწყო. 

კერძოდ, აუდიტი იმ საკითხებს შეისწავლის, რაც დიდ პრობლემებს უქმნის მომხმარებლებს, მაგალითად, ლოდინის დრო, ტაქსომეტრების გამოყენება, ელექტრონული გადახდების მიღება და ბარათის წამკითხველების გამართული ფუნქციონირება.

ფინანსური პოლიციის სპეციალურმა ანტიმონოპოლიურმა განყოფილებამ (Guardia di Finanza) უწყების სახელით ინფორმაციის მოთხოვნით რომის, მილანისა და ნეაპოლის მუნიციპალიტეტებში მოქმედ ტაქსის კომპანიებს მიართა.

უწყებამ ასევე, ინფორმაციის პირდაპირი მოთხოვნით მიმართა რომის, მილანისა და ნეაპოლის მუნიციპალიტეტებს და ტაქსის დაჯავშნის მთავარ პლატფორმებს.

მოკვლევის მიზანია ნათელი მოეფინოს „შეზღუდული ჩარიცხვის“ ლიცენზირების სისტემას, რომელიც ამ სექტორში აფერხებს კონკურენტული ბაზრის სათანადო განვითარებას.

ამასთან დაკავშირებით, მოითხოვა უწყებამ ინფორმაცია ცვლაში მომუშავე მანქანების რაოდენობის, თითო მანქანაზე განხორციელებული მგზავრობების, არყოფნის, ლოდინის დროის, შეუსრულებელი მოთხოვნების შესახებ, ასევე მუნიციპალიტეტებში გაგზავნილი მონაცემების შესახებ.

შეგროვებული ინფორმაციის საფუძველზე, უწყება ბაზრის მდგომარეობას შეაფასებს.