დამატებულია კალათაში მარაგში არ არი საკმარისი რაოდენობა დამატებულია სურვილების სიაში უკვე დამატებულია სურვილების სიაში
რა საკადრო ცვლილებები განხორციელდა მთავრობაში - პრემიერის განცხადება

რა საკადრო ცვლილებები განხორციელდა მთავრობაში - პრემიერის განცხადება

2024-02-12 11:12:00

პრემიერ-მინისტრმა ირაკლი კობახიძემ მთავრობაში განხორციელებული საკადრო ცვლილებებზე განახლებული მთავრობის პირველ სხდომაზე ისაუბრა.

„რამდენიმე საკადრო გადაწყვეტილება მინდა გავაცნო საზოგადოებას. უკვე ცნობილია, რომ პირველი ვიცე-პრემიერის უფლებამოსილება დაეკისრება ეკონომიკისა და მდგრადი განვითარების მინისტრს, ბატონ ლევან დავითაშვილს.

მას წარმატებები მინდა ვუსურვო. ქალბატონ თეა წულუკიანს დაეკისრება საქართველოს ვიცე-პრემიერის მოვალეობა, ასევე თავდაცვის მინისტრს, ბატონ ირაკლი ჩიქოვანს დაეკისრება საქართველოს ვიცე-პრემიერის უფლებამოსილება.

გვაქვს ცვლილება მთავრობის ადმინისტრაციაში. მთავრობის სტრატეგიული კომუნიკაციების დეპარტამენტის უფროსი გახდება ბატონი მიხეილ ფეიქრიშვილი. თითოეულ თქვენგანს მინდა წარმატებები ვუსურვო“, - აღნიშნა პრემიერმა.

ირაკლი კობახიძემ კაბინეტის წევრებს წარმატებები უსურვა და ასევე მადლობა გადაუხადა ყოფილ პრემიერს, ირაკლი ღარიბაშვილს გაწეული სამსახურისთვის.

ავტორი:

ნინო ნატროშვილი
ავტორის ყველა სიახლე

უახლესი

მოსაზრება


მსგავსი სიახლეები