პარლამენტის საგარეო ურთიერთობათა კომიტეტის თავმჯდომარე, ნიკოლოზ სამხარაძე სოცილაურ ქსელში ოკუპირებული აფხაზეთის ე. წ. პარლამენტის მიერ „რუსეთ-აფხაზეთის შეთანხმების“ რატიფიცირებას ეხმაურება, რომლის თანახმადაც ბიჭვინთის ყოფილი სახელმწიფო აგარაკი რუსეთს გადაეცა.
„აფხაზეთის დე-ფაქტო პარლამენტმა გვიან ღამით, ბიჭვინთის ტერიტორიის რუსეთისთვის გადაცემის რატიფიცირება მოახდინა. ჩვენ მკაცრად ვგმობთ ამ უკანონო ქმედებას და ბათილად ვაცხადებთ ოკუპაციის დროს განხორციელებულ ყველა სამართლებრივ მოქმედებას. ეს გამოსწორდება მას შემდეგ, რაც საქართველო აღადგენს თავის იურისდიქციას აფხაზეთზე“, წერს ნიკოლოზ სამხარაძე.
ოკუპირებული აფხაზეთის ე. წ. პარლამენტმა გამთენიისას მოახდინა „რუსეთ-აფხაზეთის შეთანხმების“ რატიფიცირება, რომლითაც ბიჭვინთის ყოფილი სახელმწიფო აგარაკი რუსეთს გადასცა. ამის შესახებ დე ფაქტო საკანონმდებლო ორგანოს სპიკერმა ლაშა აშუბამ „პარლამენტის“ შენობასთან 26 დეკემბრის საღამოდან შეკრებილ ხალხს, რომელიც შეთანხმების რატიფიცირებას ეწინააღმდეგებოდა.
"აფსნიპრესის" თანახმად, შეთანხმების რატიფიცირებას 28 ე.წ დეპუტატიდან 26-მა დაუჭირა მხარი.
უახლესი
12 საათის წინ
ლარს არაფერი ემუქრება - პაატა კვიჟინაძე18 საათის წინ
1 აშშ დოლარის ოფიციალური ღირებულება 2.7596 ლარი გახდა
