რა ტიპის პრეტენზიებს აფიქსირებენ მომხმარებლები კომერციულ ბანკებთან ურთიერთობაში

სექტემბერში კომერციულ ბანკებში მომხმარებელთა მხრიდან დაფიქსირებულმა პრეტენზიებმა 2 222 ერთეული შეადგინა, რაც გასულ თვესთან შედარებით 36%-ით მეტი მაჩვენებელია, ხოლო გასული წლის ანალოგიური პერიოდის მონაცემს კი 46%-ით აღემატება.

სებ-ის სტატისტიკის მიხედვით, მომხმარებელთა მხრიდან ყველაზე მეტი პრეტენზია მიმდინარე ანგარიშს/სადებეტო ბარათებს უკავშირდება, ამ მიმართულებაზე მთლიანი პრეტენზიების 40%-ი მოდის.მეორე ადგილზეა სამომხმარებლო სესხებთან დაკავშირებული პრეტენზიები.

რაც შეეხება დაფიქსირებულ პრეტენზიებს, სტატისტიკა ასეთია: 

ხელშეკრულების პირობებთან დაკავშირებული პრეტენზიები - 763 პრეტენზია;

ტრანზაქციები - 739 პრეტენზია;

ადმინისტრაცია/მომსახურება - 305 პრეტენზია;

ჯარიმები და ვადაგადაცილების საკომისიოები - 80 პრეტენზია;

თანამშრომლის მიერ არასწორად მიწოდებული ინფორმაცია - 75 პრეტენზია; 

მომსახურების საკომისიოები - 64 პრეტენზია;

საპროცენტო შენატანები - 36 პრეტენზია;

ეთიკასთან დაკავშირებული - 28 პრეტენზია;

მომხმარებლის შესახებ კონფიდენციალური ინფორმაციის გაცემა - 21 პრეტენზია;

სხვა გადასახდელები - 6 პრეტენზია;

სექტემბერში დაფიქსირებული 2222 პრეტენზიიდან კომერციულმა ბანკებმა 905 პრეტენზია უსაფუძვლოდ მიიჩნიეს, ხოლო 501 პრეტენზია - საფუძვლიანად.

 811 პრეტენზიაზე კომერციული ბანკებში განხილვა ჯერ არ დასრულებულა, ხოლო 5 პრეტენზიის შემთხვევაში განხილვა დასრულებულია, პრეტენზია მიჩნეულია საფუძვლიანად, თუმცა პრობლემა არ არის აღმოფხვრილი.