2023 წელს თბილისის მუნიციპალური ტრანსპორტი 322 622 849 მგზავრს მოემსახურა. როგორც Business Insider Georgia-ს მიერ თბილისის სატრანსპორტო კომპანიიდან (TTC) გამოთხოვილი ინფორმაციიდან ირკვევა, 2023 წელს თბილისის სატრანსპორტო კომპანიის მიერ გადაყვანილი მგზავრების 52%-ი ავტობუსის მიერ იყო გადაყვანილი, 47%-ი მეტროპოლიტენის მეშვეობით, ხოლო დარჩენილი 1%-ი საბაგიროების მეშვეობით გადაყვანილი მგზავრებია.
TTC მგზავრების რაოდენობა 2023 წელს:
თბილისის სატრანსპორტო კომპანია (ყოფილი შპს „თბილისის მეტრო"), რომლის 100%-იანი წილის მფლობელია თბილისის მერია, ოპერირებს 1966 წლიდან, როდესაც გაიხსნა მეტროპოლიტენის პირველი მონაკვეთი დიდუბე რუსთაველის მიმართულებით.
2009 წელს თბილისის მერიის გადაწყვეტილებით კომპანიას საკუთრებაში გადაეცა მუნიციპალური ავტობუსები და მასთან დაკავშირებული უძრავი ქონება სამი ავტოპარკის სახით.
2012 წელს კი კომპანიას შეუერთდა თბილისში მდებარე საბაგირო გზების ინფრასტრუქტურა და ახლად აშენებული რიყე-ნარიყალას საბაგირო გზა.
2018 წელს კომპანიის მართველობაში გადავიდა თბილისის პარკინგის სისტემა 32’000-მდე საპარკინგე ადგილით.
კომპანიაში დასაქმებულია 6’492-მდე ადამიანი, რომლებიც უწყვეტ რეჟიმში მუშაობენ იმისათვის, რომ თბილისელებმა და ქალაქის სტუმრებმა მიიღონ მაღალი ხარისხის სატრანსპორტო მომსახურება და მგზავრობა მათთვის იყოს მაქსიმალურად უსაფრთხო და კომფორტული.
